Page 75 - KPA MAY 20,2015

Mester por brinda nos graduadonan cu a studia medicina
den region mas oportunidad

Publication: Wednesday, 20 May 2015. Categoria: General

Parlamentario Jennifer Arends-Reyes

ORANJESTAD (AAN): Segun señora Arends-Reyes ya tin basta tempo cu nos graduadonan cu
a bay studia den region especialmente medicina tin dificultad pa haya trabao of no ta facil pa nan
continua nan estudio.

Durante e tratamento di presupuesto 2015, sra Arends-Reyes a pidi atencion na Minister di
Enseñansa huntu cu Minister di Salubridad pa e grupo di studiantenan aki y e graduadonan.
Tambe señora Arends-Reyes ta desea di pone enfasis cu tur studiante ta importante, nan esfuerso
y sacrificio tin mes balor cu tur otro studiante cu ta lucha pa yega na nan diploma den region,
Europa of otro caminda di mundo.
Realidad ta asina cu Aruba conose ‘vrije studie keuze’ y esey kiermen cu e fianza di estudio no
ta mara na school of escohencia di estudio.

Den e ultimo tempo un grupo toch grandi di studiante a escohe pa bay studia den region pa
diferente motibo pero a encontra dificultad ora cu nan kier bin back Aruba pa traha pa motibo cu
e Universidadnan cu nan a gradua di dj’e no ta worde reconoci pa e sistema Hulandes cu Aruba
ta traha cun’e cu ta e registracion di BIG.

Nan lo tin un trayecto mas largo compara cu esnan cu a studia na Hulanda of Spaña cu tin e
acreditacion MIR despues cu nan a gradua. E mas logico lo ta pa esnan continua nan estudio e
ora na Spaña pa motibo di e idioma cu nan a custumbra durante nan estudio.

Costonan envolvi ta bastante halto y a pidi gobierno pa medio di un mocion pa sondea e
posibilidad pa nan por sigui nan estudio na Spaña of Hulanda y alavez yega na acuerdonan cu e
Universidadnan pa por manda nos studiantenan eynan. Of explora otro posibilidadnan na Aruba
mes.

Un otro punto tambe cu a ser treci dilanti ta pa pone e becadonan na altura y si mester considera
duna un conseho negativo (pero cu opcion liber pa escohencia) pa studia medicina den region pa
haci’e mirando e gastonan adicional cu lo bin acerca y den caso cu escohe e ruta di studia
medicina den region pa pone un clausula den e contrato pa nan ta na altura di antemano cu e
trayecto lo ta uno mas largo.