Page 80 - KPA MAY 20,2015

Hoben cu a menasa docente den klas ainda

no ta deteni

Recientemente tabata tin un caso caminda cu un hoben di mas of menos 19 aña di edad, a subi
tereno di St. Aloysius School y a menasa un docente cu un arma blanco.
E cabezante di scol, Vladimir de Cuba, a bay haci un denuncia na recherche pa asina detene e
hoben aki y fuera di esey a pidi pa siguridad pa e scol.
Lamentablemente esaki no a pasa. Den un carta cu el a manda pa tur mayor di alumnonan di
scol, e ta bisa como lo siguiente:
“Apesar di tur intento y notificacion di mi banda na polis di e presencia di e hoben aki den
cercania di e scol, ainda e no ta deteni. Esaki, segun splicacion di esnan encarga cu e
investigacion, tin di haber cu diferente procedura di ley cu mester sigui prome cu detene un
sospechoso. Mi a pidi pa pone guardia di siguridad na nos scol. Esaki tambe sin exito.
Mientras tanto e hoben aki si ta keda bin den cercania di scol y purba papia cu nos alumnonan y
molestia e trankilidad na scol.
Nos scol no ta wanta/warda mas.
Pesey pa medio di e carta aki, mi ta duna tur mayor tur e informacion cu mi ta dispone di dje
tocante e hoben aki. Motibo di esaki no ta pa sembra panico bou di mayor/alumnonan. Ta
primordialmente pa mayornan tambe yuda scol y ta alerta riba e posibel presencia di e hoben aki
na/banda di scol.
Su nomber: Bryan Martinez Mondragon.
Descripcion: Color cla, delega, cabey cortico bruin scur. E tin un staartje (pida cabey largo) ta
colga patras, banda robez na su cabez. E tin algun tattoo. Su braza robez actualmente ta di su
elleboog te na su dedenan den verband.
Moda di transporte: recientemente el a bin scol den un KIA-Carens, color cora, sin bumper
dilanti. E nr. Ta A015241. E tabata riba parkeerplaats recientemente di misa den un auto cu dak y
hood preto, anto color biña/rose metallic na banda. Glas full preto getint. E nr. Ta A-5587. Riba e
windshield di e auto ta para 4-sale. E ta parce modelo Nissan-Altezza y e tin stuurwiel banda
drechi.
Si abo como mayor nota presencia di e hoben aki banda di nos scol, notifica polis di biaha. Yama
100 of 107 y pidi pa manda patruya. Di antemano Danki pa e cooperacion.”