Page 10 - bon-dia-aruba-20210918

A10 hende
Diasabra 18 september 2021

Conocido artista local Anoushca ‘NOUSH’

Jeandor ta lansa videoclip

‘Al Ritmo de la Vida’

“Dancing in the sun, on the rhythm of the drums.
Bailando al ritmo de la vida, que esta fiesta no termi-
na” – cu e mensahe positivo aki artista local Anoushca
‘NOUSH’ Jeandor ta habri su produccion pegahoso
nobo titula ‘Al Ritmo de la Vida’.

Bao di encargo un biaha mas di Alex Odor, e produccion
aki segun NOUSH ta algo “diferente y yena cu ambiente
– manera tur hende ta custuma di mi”. Despues di a wordo
conseha dor di un fiel fanatico di su musica pa produci algo cu
ta trece ‘ambiente’, Al Ritmo de la Vida a nace.

Sinta den studio cu Alex, nos tabata scucha algun produccion.
Manera cu el’a laga mi scucha esaki, el’a val mi op mesora.
Mi a bis’e cu nos ta bay yam’e ‘Al Ritmo de la Vida’”, asina
NOUSH a splica.

Inspira pa temporada di zomer, futbol y sabor tropical, Al
Ritmo de la Vida ta yena cu tononan melodioso, letranan
positivo y ritmo pegahoso cu por scucha den e subgenero di
“Tropical Dance Pop.

Cu e idea aki den mente, NOUSH y su team di produc-
cion Skillmatica a filma un videoclip vibrante, energetico y
inspirativo. Un danki ta bay na tur esnan cu a contribui cu e
proyecto aki. Danki na Alex Odor y Alano Music pa e produc-
cion, Debra Boekhoudt y su grupo di baile Youth in Action,
Shaindra Ashby / Malbin Gomez y Shaquille Buckley pa e
coreografia, make-up artist Edgar Kock, hairstylist Lieshandra
Farro, Enry Thiel pa su ekiponan di luz, House of Mosaïc pa
e bunita locacion y SkillMatica pa e grabacion di e videoclip.

Tambe nos kier a yama danki na Kicksart Cultuurfonds cu
ta wordo haci posibel dor di Prins Bernhard Cultuurfonds
Nederland, BankGiro Loterij, VSBFonds, VandenEnde
Foundation y Prins Bernhard Cultuurfonds Caribisch Ge-
bied (PBCCG). Danki na boso aporte y sosten di nos musi-
conan local.

NOUSH
Anoushca ‘NOUSH’ Jeandor ta naci na Aruba. E ta bin di un
cuna musical, su tata ta musico conoci Robert Jeandor. Na un
edad hoben el’a cuminsa canta den Koor y asina sigui desaroya
su mes den area di musica. Despues di esaki el’a ricibi e opor-
tunidad pa canta den casino.
Cu su mesun banda ‘Perfect Sound’ (lansa na 2006), e sa di
presenta na diferente hotel, establecimentonan local y tambe
fiestanan di famia. Algun aña despues Noush a ser corona
Aruba su prome ganador femenino general di Tumba Festi-
val. Tambe Noush a presenta internacionalmente na Hulanda
y tambe Miami, Florida. Actualmente Noush ta sigui activo y
ta presenta entre otro tur Diabierna na Chubato Beer World.