Page 12 - bon-dia-aruba-20200515

a12 riba caya
Diabierna 15 Mei 2020

Despues di varios keho a

haci dump ilegal limpi

NOORD CURA CABAY - Despues di varios keho cu
a drenta na BCI y despues cu Brandweer mester a bay
paga e dump ilegal aki na Noord Cura Cabai varios
biaha durante Toke de Keda a logra conhunto cu e
cooperacion di DOW pa ruimop e sushi aki.

Net pariba di e sushi aki tin un rooi basta grandi ta core y
DOW a actua rapido pa haci esaki limpi y pa evita cu e
malhechornan lo sigui pega esaki na candela. Danki ta bay na
DOW pe operacion y e "rapid response". E bisiñanan a keda
super contento. BCI a papia cu tur e bisiñanan y mustra nan
riba e hecho cu esaki no ta posibel y cu e ta castigabel pa ley
pa tira sushi riba un tereno publico y ki peliger esaki por trece
cune.

Pueblo en general ban tene Aruba limpi. Nos ta den un tempo
fastioso di crisis. Sushi por trece malesa. Un Aruba dushi, ta
un Aruba sin sushi!

Selimar a ruimop resto di mata patras di Colegio Arubano

ORANJESTAD -
Recientemente BCI a
haya melding cu patras di
Colegio Arubano na Playa
desconocinan a corta
mata y tira e restonan
pega cu e cura di scol.

Mesora BCI a presenta na e
sitio y logra haya un ploeg
di Serlimar pa por ruim op
esaki. Un biaha mas BCI ta
pidi Pueblo pa por fabor ban
tene Aruba limpi. Ban stima
nos isla y tene limpi.

BCI ta pidi pueblo pa stop di tira sushi rond

BARCADERA - Durante crisis dos biaha den menos cu
un siman BCI a haya diferente yamada cu den e camin-
da di santo pabou di A.I.S. (Caterpillar) na Barcadera
sushi a wordo tira na mesun caminda.

A tuma contacto cu e team di Serlimar cu den dos diferente
ocasion mester a bay pa ruimop e sushinan aki. Por fabor
pueblo ban laga nos tira nos sushi na dump y asina por tene
Aruba limpi. Un Aruba Dushi ta un Aruba sin sushi