Page 28 - MIN VOS 22JAN,2016
P. 28
16 Djabièrnè 22 Yanüari 2016
ATVERTENSIA PA ZIKA VIRUS
AMSTERDAM.- Muhénan na estado ta wòrdu atvertí
pa no biaha pa Sur i Sentroamerika, kaminda por tin
kontaminashon ku loke nan ta yama e Zikavirus. Ta
trata di e Chikungunya ku a reina aña pasá i a bini bèk.
Organisashonnan di biahe ta bisa ku e persona
por buk pa bai otro sitio.Na Sürnam 10 ulandes ta
kontagiá. E peliger ta pa e yu ku no a nase i e por nase
ku defektonan. Ta trata di entre otro ku e beibinan tin
kabesnan masha chikitu i daño na nan sesunan.
TIRAMENTU
AMSTERDAM.- Ayera polis a tira riba un hòmber
ku ta señalá komo peligroso ku arma di kandela.Den e
tiramentu e hòmber posiblemente a resultá heridá, pero
esei no ta sigur, pasobra el a kore duru bai, ora polis
tabata tirando riba dje. E outonan di e hòmber i tambe di
polis tabata pará riba Snelweg.E hòmber tabata huntu ku
tres otro den e outo. E tres polis a orden’é nan pa sali for
di e outo i e tres hòmbernan a kumpli, e di kuater esun
buská a keda sintá i despues a dera tròt.Algu despues a
haña e outo, pero no e hòmber.Di e tres otronan a detené
unu, e dos otronan den e komoshon simplemente a kana
bai laga e sitio.
300 RETIRO NA HOSPITAL
ENSCHEDE.- E sentro médiko Twente ta bai deshasí
di 300 kupo laboral.Den e dos añanan benidero e
hospital ke spar 30 mion euro. Meta ta pa akapará e
preshon kresiente i oumentu di gastunan dor di yegada
di un hospital nobo.E luna aki e hospital a habri e
establesimentu nobo. Konstrukshon a kosta 275 mion
euro. Un di e lokalidatnan bieu lo ser usá komo ofisina
i e otro lokalidat ta bai den benta.
KONTRIBUSHON FINANSIERO BUSKADO ASILO
DEN HAAG.- Buskadónan di asilo no tin mester
di yuda paga gastu di nan alohamentu i e plaka ku
nan tin nan por tené pa nan mes.Solamente si tin
sospecho ku nan no a haña e plaka honestamente, nan
mester entreg’é, segun sekretario di estado Dijkhoff.E
mandatario a reakshoná riba Dinamarka i Alemania,
kaminda ta papia di laga buskadónan di asilo kontribuí
den gastunan.Nan ke kita sèn di e buskadóan riba un
sierto montante.Na Ulanda VVD i PVV ta haña ku esnan
riku mester kontribuí.Dinamarka tambe ke konfiská
prendanan di buskadónan di asilo.
VIOLENSIA KONTRA VIGILANTENAN
BREDA.- Atrobe tabatin violensia kontra personal di
NS, na stashonnan di Breda i Eindhoven.
Na Breda un vigilante a hañ’é den problema ku un
hòmber di 20 aña ku tabata kousa problema i tabata
destruí bòrchinan di propaganda. Ora a par’é el a
kuminsá zundra, skupi i morde. Un vigilante den esaki
a kibra su nanishi i a pèrdè konosementu un ratu.
Na Eindhoven tambe a detené un hòmber pa maltrato
di un trahadó.Ta trata di un hòmber di 22 aña sin adrès
permanente, ku a skòp e trahadó den kara.
KANDELA HOTEL V.D. VALK
HEERLEN.- Ayera un hotèl di v. d. Valk a pega na
kandela. E daño ta den miónes i e parti kaminda e
kandela tabata, por wòrdu konsiderá komo pèrdí.
E kandela a start mitar di 11 ayera mainta, kaminda
rekonstrukshon tabata tuma lugá. Tambe e restorant a
keda afektá pa e kandela.Ainda no ta konosí kiko e kousa
di e kandela ta. Ta wak si e hotèl parsialmente por keda
habrí òf ku lo hiba e personanan otro sitio.
