Page 12 - MIN ON 3 MAART 2016

Scolnan mes mester tuma decision cu nan kier ta parti di
scolnan saludable pasobra lo no impone esaki

Wednesday, 02 March 2016 21:20
Tweet
Comparti

Ora ta papia di un mucha, no ta wak un solo aspecto, pero tur e diferente cosnan cu ta contribui na su
futuro. Un futuro cu ta na su beneficio y na beneficio di full un comunidad. E proyecto aki tin un
duracion di tres aña formalisa. A yega di papia den pasado riba diferente di e temanan aki y a wordo haci,
pero oficialmente e comision aki ta trahando pa e ultimo tres aña y esaki ta e ultimo fase di e proyecto
piloto aki.

Esey ta nifica cu ta na e momento unda cu ta bay guia kon ta bay sigui y con ta bay expande pa tur scol,
eventualmente lo por adopta esaki. E no ta algo cu ta wordo imponi riba scolnan. E no ta un cos cu ta
asina ta bay haci’e di un dia pa otro. Ta bay crea condicionnan. Esaki ta instrumentonan cu ta bay pone
disponibel pa e scolnan, Pero na final di dia e ta e scol cu mester envolvi, no solamente riba parti di
maneho, pero tambe envolvi tur maestro, mayor y studiantenan pa haci esaki exitoso. Tin biaha kisas un
imagen eroneo cu tin cu ta algo cu ta wordo introduci na scol, cu placa, cu diferente instrumentonan.
Esaki ta scolnan mes mester tuma e decision cu esaki ta algo cu e kier. Kier sigui den e rumbo aki, tin
beneficionan y esaki ta con ta hacie y esaki ta loke e stuurgroep ta haci y aki kier expande riba
informacion cu ta wordo duna pa tur scol, sea cu nan ta den pilot fase of ta scoge otronan, pero tur scol lo
por y hopi biaha ta haciendo caba, pero cu por adopta cierto instrumentonan cu ta disponibel.
Resultadonan final, hopi biaha ta papia riba e parti holistico, e parti di prestacion, pero diferente
aspectonan di studiante y maestronan. Loke cu kier awo ta desaroya un tipo di encuesta unda cu ta
compara, ta haci un nulmeting. Esaki ta unda aspectonan di deporte, movecion, di nutricion, tur e
aspectonan cu ta cubri, kico ta e momento unda esaki ta drenta y kico e ora despues di tanto tempo ta e
efecto di dje y eynan ta unda kier wak un desaroyo sigur den e diferente areanan aki y cu na fin di dia e
scol mes ta bisa cu nan a bay dilanti door di implementa esaki. Esey ta un evaluacion cu e scol mes
mester por haci pa bisa cu a haci e cambionan aki, kisas chikito, pero sigur ta wak e efectonan di dje, e
minister a remarca.

http://www.24ora.com/politica-mainmenu-18/105934-scolnan-mes-mester-tuma-decision-cu-nan-kier-
ta-parti-di-scolnan-saludable-pasobra-lo-no-impone-esaki