Page 10 - MIN ON 3 MAART 2016

Parlamento a ricibi presentacion di proyecto piloto di
scolnan saludabel

Wednesday, 02 March 2016 21:16
Tweet
Comparti

Parlamento tabata interesa con e proyecto piloto di scolnan saludabel tabata canando. Riba esaki,
minister di enseñansa, Michelle Hooyboer-Winklaar a comenta cu nan a duna un presentacion over di no
solamente e desaroyo den e ultimo tempo, pero sigur kico ta e intencion cu e proyecto aki. En corto, un
proyecto unda cu ta wak un programa piloto den cinco scol, enfocando riba diferente aspecto di
salubridad.

Pesey e ta yama scol saludabel. Pero sigur e no ta solamente riba e aspecto di nutricion. Hopi biaha ta
lesa scol saludabel, hende ta pensa cu no ta bende pastechi mas, ta ofrece cumindanan mas saludabel,
cual ta un aspecto di dje. Tin diferente aspecto di dje. Entre otro e parti psicologico, social, emocional, e
aspecto di siguridad, aspecto tambe di deporte, movecion. Tin diferente aspecto y tin un lista hopi largo y
diferente di e scolnan aki ta scoge kico nan kier enfoca riba dje. Tin biaha nan por haci’e cu mas cu tema,
pero si ta un tema so, e ora nan kier wak cu esaki ta un problema pa e scol of tin un miho presentacion
den e area aki, e ora ta scoge e parti eynan. Esaki ta a base di un concepto di Hulanda, pero tambe ta
adapta pa diferente aspectonan di Latino America, tambe Caribe, norte America, tur esakinan a wordo
inclui den e programa aki, unda cu ta wak scolnan ta wordo guia y ta sostene door di diferente
instancianan, pa nan por yega na e scol cu ta mas amplio den cada di e arenan aki y cu un studiante of
maestro, una bes yega na e scol, ta sinti nan mes sigur, saludabel, e parti di nutricion, movecion. Tur
aspecto ta cubri y ta crea un esfera cu ta asina positivo cu e presentacion academico ta bay ta mas miho.
Esey ta e meta sigur pa gobierno, ta esun esencia cu na final di dia ta haci un efecto riba e prestacion di e
studiante, riba su salud, pero tambe e parti emocional cu e ta mas contento, mas feliz, mas habri pa siña
diferente cos y eynan ta caminda cu a bisa cu ta meerwaarde di e proyecto aki cu un biaha mas ta conta
cu asina hopi diferente area. E comision mes ta wordo representa pa tres diferente ministerio. Ministerio
di Salubridad Publico, Ministerio di Enseñansa y Ministerio di Asuntonan Social. Esey ta duna un bista
di con amplio esaki ta y con complica e ta sigur, pero cu e tin un bista, un vision pa e studiante holistico.
Enseñansa holistico. Esey ta loke kier enfoca riba e presentacion.

http://www.24ora.com/politica-mainmenu-18/105933-parlamento-a-ricibi-presentacion-di-proyecto-
piloto-di-scolnan-saludabel