Page 9 - MIN ON 3 MAART 2016

Miriam Baiz Intencion pa aplica Scol Saludabel na tur otro
scol na Aruba e proximo aña escolar

Wednesday, 02 March 2016 21:30
Comparti

Miriam Baiz ta presidente di e stuurgroep di Scol Saludabel y tabata presente den Parlamento pa loke ta
presentacion di e proyecto di SS (Scol Saludabel). E ta splica cu e ta hopi satisfecho pa na prome luga pa
haya e chens pa duna presentacion na parlamento.

Tin tres aña caba andando cu e fase piloto di scolnan saludabel y a bira momento cu Parlamento tambe ta
na altura di kico e concepto of e proyecto aki ta, pasobra, esaki ta un proyecto cu mester wordo carga na
nivel nacional y e luga mas importante ta bo Parlamento. Si bo tin sosten di Parlamento y bo
ministernan, bo ta hopi leu. Ta un proyecto hopi bunita na beneficio di nos tur, tur cu tin Aruba y su
futuro na pecho, e ta un proyecto sumamente bunita, e ta aplicabel, e tin su gastonan cual ta hopi abao,
solamente tin cu hinca e energia humano den dje cu segun Baiz, nos tur kier haci’e na beneficio di nos
hubentud, muchanan y nos futuro. Baiz ta declara cu e proyecto ta canando bon. Kleine stapjes no ta un
cos grandi cu bo ta bisa cu for di awe pa mañan bo ta wak cambionan grandi. Manera cu a sali afo, e ta un
cambio di mentalidad, e ta un cambio di actitud. Bo por papia un hende su manera di pensa, di actua of
su habilidadnan, e ta bay tuma tempo. Manera cu Baiz ta bisa, mester cuminsa un caminda, si bo no
cuminsa un caminda, bo no ta yega un caminda y bo ta cuminsa cu pasonan chikito pa bo ta exitoso. E
grupo ta haya constantemente feedback. Ta evalua cu e scolnan piloto cu tin y ta haya feedback, caminda
cu nan ta traha riba dje, pa asina tambe awor aki na final di e etapa di piloto, pa bo por bin e ora cu un
adviesnota, caminda cu ta duna un analisis kico tur tin cu traha riba dje pa por aplica esaki na e otro
scolnan na Aruba. Esey ta e idea pa mas scol di Aruba participa na e proyecto aki. Intencion pa cuminsa
di biaha, esta e aña escolar nobo, ta habrie na otro scolnan pa por aplica y traha pa bira un scol saludabel
y cu sosten di loke ta yama e Gezonde School Adviseur, por cuminsa cu otro scolnan tambe. E proyecto
aki ta enfoca riba scolnan basico. Ta concentra riba e base, riba e fundeshi, Baiz a finalisa.

http://www.24ora.com/local-mainmenu-5/105935-miriam-baiz-intencion-pa-aplica-scol-saludabel-na-
tur-otro-scol-na-aruba-e-proximo-ana-escolar