Page 6 - MIN ON 3 MAART 2016

Mervin Wyatt-Ras Skolnan Saludable a haya atencion di
Parlamento den reunion di dos

Wednesday, 02 March 2016 12:55
Comparti

Diamars den reunion di dos comision di Parlamento, esta esun di Ensenjanza y esun di Salubridad y
Asuntonan Social a reuni cu stuurgroep di Gezonde Scholen, encabeza pa sra. Miriam Baiz y cu presencia
di minister di Ensenjanza y Famia, sra. Michelle Hooyboer-Winklaar.
Esaki ta un proyecto piloto cu a cuminsa cana mundialmente desde anja 1977 y na Aruba e stuurgroep a
lanta na anja 2011. Cinco skol ta participa y ta dirigi ariba structura e skol di tal forma cu ta atende cu
cuido di salud, movecion y desaroyo social-emocional. E ta basa ariba e definicion di WHO di salud cu ta
bienestar fysico, social y mental. Tin diferente strategia, entre otro pa crea un ambiente saludable y sigur
pa e micha por sinja, sosten pa maneho di alimentacion, duna sosten na desaroyo social y psychologico,
optimalisa structura di cuido y di movecion na skolnan. Alavez stimula buurtparticipatie. A trese
padilanti cu ta necesario pa e proyecto por continua y cu ta necesario training di esnan cu ya caba ta den
stuurgroep pa garantisa conocimento optimal, alavez tin cu sigui stimula mas skol pa participa. Tin cu
constata cu e efecto lo ta entre otro cu a lo largo lo baha gastonan di salubridad. Tambe e efecto di e
cambio di e estilo di bida ta tuma tempo. Tur colega, di fraccion di AVP y miembro di fraccion di Mep,
despues di a haya contesta ariba cantidad di preguntanan tabatin elogio pa labornan di Gezonde Scholen.
Ta spera cu nan por continua cu nan labornan.

http://www.24ora.com/politica-mainmenu-18/105900-mervin-wyatt-ras-skolnan-saludable-a-haya-
atencion-di-parlamento-den-reunion-di-dos