Page 20 - MIN ON 3 MAART 2016

AWEMainta Diahuebs, 03 Maart 2016 35

Den Categoria Mucha Homber (no
miembro di club):

IBiSA ta anuncia
ganadonan di
Atletismo Escolar

E competencia di Atletismo Escolar 2016 organisa pa IBiSA e aña aki
ta tuma luga riba dos fecha. E prome parti a tuma luga diabierna dia
26 di februari 2016 den Compleho Deportivo Guillermo Prospero
Trinidad na Dakota, unda cu e competencia tabata pa tur mucha
homber cu no ta miembro di un club di atletismo. Un cantidad di
169 mucha a inscribi pa participa y representa nan school.

E competencia tabata den disciplina di ‘verspringen’, ‘balwerpen’ y
coremento. E resultado final pa loke ta e atletanan no miembro di
un club a keda duna y premia e mes atardi na Stadion y e ganadonan
den nan respectivo categoria ta como lo siguiente:

Categoria A Mucha Homber
1e luga pa Federic Irving di Prinses Amalia Basis School; 2do y 3er
luga pa Rodney Falcon y Rogerio Arends di St. Dominicus College.

Categoria B Mucha Homber

1e luga pa Jaden Apma di Colegio Felipe B. Tromp; 2do luga

pa Anthony Willems di St. Paulus School; 3er luga pa Alexander

Pieters di Colegio Conrado Coronel.

Categoria C Mucha Homber
1er luga pa Oscar Pozo di St. Dominicus College; 2do luga pa
Alberthico Giel di St. Anna School; 3er luga pa Ezekiel Ponte-Lira
di Prinses Amalia Basis School.

Resultado di Categoria D Mucha Homber ta wordo anuncia
diahuebs awo dia 3 di maart 2016, dia cu ta continua cu e ultimo
parti di competencia den atletismo.
E atardi aki, despues cu completa un careda cu tin pendiente ta
procesa resultado di Categoria D completamente y ta premia e
ganadonan.

Manera informa, diahuebs ta tuma luga e competencia pa mucha
muhe ‘miembro y no miembro di club’ como tambe e parti di mucha
homber cu falta, esta esnan cu ta miembro di un club di atletismo.

Cu e resultado di e competencia di atletismo escolar aki, ta participa
den e ‘Weganan Interinsular’ 2016.
E hobennan ganado den Categoria A, B y C ‘no miembro di un
club’ ta haya e oportunidad pa representa Aruba y nan scol den e
competencia.
E aña aki e disciplina di atletismo ta tuma luga na Aruba mes
den e fin di siman di 7 pa 10 di april 2016, na unda cu islanan di
Boneiro y Corsou lo ta presente cu nan delegacion pa participa. E
competencia inaugural di ‘Weganan Interinsular’ ta tuma luga na
Corsou dianan 10 pa 13 di maart 2016.