Page 23 - MIN ON 3 MAART 2016

Mervin Wyatt-Ras (AVP) Scolnan Saludabel a haya
atencion di Parlamento den reunion di dos

on: March 03, 2016In: PoliticaNo Comments
Print Email

Diamars den reunion di dos comision di Parlamento, esta esun di Enseñansa y esun di Salubridad y
Asuntonan Social a reuni cu stuurgroep di Gezonde Scholen, encabesa pa sra. Miriam Baiz y cu
presencia di minister di Enseñansa y Famia, sra. Michelle Hooyboer-Winklaar.
Esaki ta un proyecto piloto cu a cuminsa cana mundialmente desde aña 1977 y na Aruba e
stuurgroep a lanta na aña 2011. Cinco scol ta participa y ta dirigi ariba structura e scol di tal forma
cu ta atende cu cuido di salud, movecion y desaroyo social-emocional. E ta basa ariba e definicion
di WHO di salud cu ta bienestar fisico, social y mental.
Tin diferente strategia, entre otro pa crea un ambiente saludabel y sigur pa e mucha por siña, sosten
pa maneho di alimentacion, duna sosten na desaroyo social y psicologico, optimalisa structura di
cuido y di movecion na scolnan. Alabes stimula buurtparticipatie. A trece padilanti cu ta necesario pa
e proyecto por continua y cu ta necesario training di esnan cu ya caba ta den stuurgroep pa
garantisa conocimento optimal, alabes tin cu sigui stimula mas scol pa participa. Tin cu constata cu
e efecto lo ta entre otro cu a lo largo lo baha gastonan di salubridad. Tambe e efecto di e cambio di
e estilo di bida ta tuma tempo. Tur colega, di fraccion di AVP y miembro di fraccion di MEP, despues
di a haya contesta ariba cantidad di preguntanan tabatin elogio pa labornan di Gezonde Scholen. Ta
spera cu nan por continua cu nan labornan.