Page 25 - MIN ON 3 MAART 2016

Scol Basico St. Paulus School ta host ‘EXPO Hoben y
Talentoso’ pa e proximo cuater siman

on: March 02, 2016In: LocalNo Comments
Print Email

Despues cu Colegio Arubano San Nicolas tabata anfitrion pa e prome EXPO Hoben y Talentoso,
awo ta toca turno na Scol Basico St. Paulus School pa host e bunita y interesante EXPO aki. Mester
bisa cu EXPO Hoben y Talentoso a sali for di e proyecto Hoben y Talentoso cu pa tres añai ta honra
hoben talentonan local pa medio di un Award Book. Un proyecto cu cada aña ta birando mas grandi
y ta acapara hopi atencion den nos comunidad.
Prome Minister di Aruba, Mike Eman ta e persona cu a bini cu e incentiva pa cuminsa cu e bunita
proyecto Hoben y Talentoso. Diamars ultimo Comision di Hoben y Talentoso den presencia di
alumnonan di scol, algun rolemodel, maestra sra. Maroeschka Cornelie y cabesante sr. Randy
Arends a habri EXPO Hoben y Talentoso na St. Paulus School na San Nicolas. Miembro di e
Comision y alabes e cara di e proyecto Hoben y Talentoso Jerwin Giel a hiba palabra splicando e
meta tras di EXPO Hoben y Talentoso na scolnan na Aruba. A introduci e rolemodelnan cu tabata
presente na e mainta aki. Por a mira entre nan e conocido futbolista y director di Aruba Soccer
Academy David Abdul, atleta di Triatlon y Crossfit Annelaine Jacobs, e popular fotografo y
entrepreneur Ayrton Tromp di ARTN Photography, e conocido DJ Ruelle Geerman alias Sticky
Sounds, atleta di atletismo y alabes ex-alumno di St. Paulus School Julianne Dorothal. Masha bunita
tabata pa mira e alumnonan intercambia y haci pregunta na e rolemodelnan, sin lubida e admiracion
cu cada uno tabatin pa tur e 104 rolemodelnan reconoci durante di e tres añanan di e proyecto
Hoben y Talentoso. Algun di nan a menciona cu nan tin admiracion pa e rolemodelnan cu a wordo
reconoci den e proyecto aki y den futuro nan lo kier bira mescos cu nan. Cabesante sr. Arends a
keda masha contento cu St. Paulus School a wordo escogi pa host EXPO Hoben y Talentoso.
“Nos ta contento cu EXPO Hoben y Talentoso a yega St. Paulus School, awo tur e klasnan di uno te
cu seis ta haya oportunidad di admira esaki. Den futuro cercano nos ta spera cu mas alumno di St.