Page 26 - AHATA

A15
HENDE Diamars 22 OctOber 2019

Pronto lo habri exposicion permanente di

Museo Arqueologico bek pa publico

ORANJESTAD – Museo Arqueologico Nacional
Aruba (MANA) ta contento di por informa cu lo
habri e salanan di exposicion permanente bek pa
publico den futuro cercano, despues cu nan tabata
cera pa dos aña. Mantencion grandi atrasa, lamen-
tablemente a haci cu na cierto momento mester a
cera e salanan di exposicion pa publico.

Mientrastanto MANA a keda duna informacion y educa
publico cu entre otro bishita na scolnan y por a acudi
na oficina di MANA pa haya informacion necesario pa
por ehempel proyectonan di scol. E aña aki, entre otro,
a habri e exposicion internacional temporario “Lasonan
Caribeño, hendenan conecta antes y awor”, cu ta habri te
october 2020. Na luna di juli ultimo a presenta un pub-
licacion nobo cu ta duna informacion di tur e pinturan-
an riba baranca di nos isla. Tambe MANA a sigui cu su
programa vacacional y a brinda sosten na otro proyecto y
eventonan.

Danki na Ministerio di Cultura y e sosten financiero di
Tourism Product Enhancement Fund (TPEF), bou su-
pervision di Monumentenbureau a haci tur esfuerso
pa asina e exposicion permanente di MANA por habri
atrobe.

Museo Arqueologico ta contento y agradecido cu pron-
to ta habri di nobo pa publico e salanan di e exposicion
permanente cu tanto a sinti falta di dje den comunidad
y cerca turistanan. Keda pendiente pa mas informacion
den medionan di comunicacion. Tambe por sigui nos riba
Facebook Archeo Aruba y National Archaeological Mu-
seum Aruba.