Page 19 - MIN TTC JUNE 24,2015

DIARANZON 24 JUNI 2015 DIARIO PAGINA 9

Mester haci
caya atractivo
den oranan di
anochi tambe!

ORANJESTAD (AAN) –
Recientemente, Matutino
DIARIO, a ricibi comentario
di un comerciante den Caya,
cu haci un observacion
interesante.
E mes, poco tempo pasa, a
bishita un di e Islanan den
Caribe y el a ripara con nan
tin hopi actividad den oranan
di anochi den e areanan
comercial.
El a menciona cu tin
tiendanan ta cera un tiki
mas tempran cu otro, pero
mayoria ta keda habri te 9’
or tur anochi, y tin hopi tipo
di café, unda e bishitantenan
por sinta bebe y come algo
te mas of menos 12’ di
anochi, y den e lugarnan aki
tin musica en bibo, sikiera
un hende cu ta toca guitara,
un pianista of cu ta canta, y
incluso tin shownan di baile
tipico.Esaki ta un sistema cu
el a mira tambe den algun
pais na Europa, por ehemplo
Spaña, cu prome cu 12’ or e
anochi ta jong y tin hopi di
ofrece.Na Aruba, ni sikiera
den temporada halto, tin con
pa atrae e turistanan cu hopi
biaha ta bin den famia, den
Caya Grandi. Despues di
6’ or cu e comercio ta cera
nan porta, no tin nada mas,
ni sikiera un lugar chikito
pa sinta bebe un coffie y
come un croquette. Asina e
comerciante a comenta.
Y e no ta pensa solamente
riba turismo, nos mes
hendenan lo kier cana den
Caya alomenos den fin di
siman, sinembargo nan ta
prefera di bay den a area
rond di e hotelnan unda nan
por cana den mall cu nan
yiunan y sinta un caminda
sikiera come un ice cream,
loke den caya sigur no tin.