Page 42 - MIN ON 17 NOV 2015
P. 42
AWEMainta Diamars, 17 November 2015 19
E siman aki ta un siman grandi
pa scolnan basico
Un total di 15
scol ta competi
den e prome
“Spelling Bee”
Shoco sa Spel
DIABIERNA 20 di november Aruba lo conoce su
prome “Spelling Bee” nacional, cu ta hiba e nomber
Shoco sa Spel.
E Spelling Bee aki sigur ta uno hopi unico mirando
cu ta un competencia den 4 idioma; Papiamento,
Hulandes, Ingles y Spaño. Minister di Enseñansa,
Michelle Hooyboer-Winklaar ta sumamente contento cu
a acogida cu e proyecto ta hayando. E organisadornan
cu a ricibi e proyecto cu brasanan habri for di Ministerio
di Enseñansa, esta Fundacion Bon Nochi Drumi Dushi
a bishita diferente scol pa mira con e trainingnan ta
bayendo.
Ademas di e Spelling Bee, a agrega un proyecto di arte
p’e scolnan, unda cu e muchanan a wordo invita pa
presenta inspiracionnan basa riba e tema “Creacion di
Palabra”.Di parti di Commandeur Pieter Boerschool
diabierna lo bay presencia e participacion di Amanda,
Jennyray, Mila y Valerie.
Nan ta train hopi duro, cu un determinacion grandi pa
sigui te ultimo den e competencia. Nan ta reuni cu un
grupo y ta “overhoor” otro, pero tambe nan ta train hopi
na cas.
Mila Gomez ta comenta cu e ta gusta spelling y cu e
preparacionnan ta bayendo bon. Su docente ta dun’e
blachi cu palabra p’e traha riba nan na cas.
Amanda Britten, kende lo participa den categoria Ingles,
ta agrega cu un di e areanan cu e ta concentra riba dje t’e
forma di spel durante di e competencia, esta cu e mester
spel e palabranan na un manera “rustig en vlot”.
Jennyray Calderon tambe ta preparando cu hopi training
na cas y den grupo y lo participa den categoria Spaño.
Valerie Hernandez ta añadi un otro forma di practica,
esta cu e alumnonan ta lesa ful un storia y nan ta bis’e
un palabra cu ta aparece den e storia p’e por spel e.
E metodo di train aki tambe ta funcionando bon p’e y e
ta expresa cu e ta sinti cu e ta cla p’e reto.
E muchanan ta bon prepara pa un experiencia fabuloso.
Esaki t’e prome Spelling Bee, pero ya organisadornan
ta bisa cu nan ta prepara pa sigui pa hopi aña mas cu e
proyecto bunita aki.
