Page 4 - AHATA

14 LOCAL AWEMainta
E Foro organisa pa SNBA y e debate organisa pa KVK, UA y
Setar, sigur no a logra nan meta. Esun organisa p’e grupo
di Millenium, tabata miho sigur. Cuminsando cu e Foro di
SNBA, el a carece di tur seriedad, cu ni a merece comen-
tario alguno. Ademas San Nicolas no ta Aruba su so, pero ta
forma parti di Aruba henter. Ridiculo pa puntra cada partido
kico nan lo haci den 100 dia pa San Nicolas, siendo ta eligi
un Gobierno pa Aruba henter. Foro di SNBA, un fracaso total.
DEBATE di KVK, UA y Setar, no tabata un DEBATE. E tabata un
“vragenuurtje”, unda algun pregunta (4 en total) a ser haci
y cada partido ta haya oportunidad di expone nan opinion.
Debate mes no tabatin. Aki aya dado momento por a mira
un of otro remarke haci, cu a pone hende kere cu awor si
ta bin un debate, pero NO. A bira tempo pa cambia e tipo di
“DEBATE” aki cu manera menciona no tabata un DEBATE.
E gran ausencia sigur tabata AVP, pero KVK a demostra di
kier AVP, p’e partidonan haya oportunidad haya un chens pa
habri afo contra AVP, siendo den Gobierno ta MEP y RAIZ, cu
mester ser cuestiona pa cu nan maneho.
KVK su debate tabata incompleto pa terkedad di Kamer.
Pa mi e debate no tabatin ningun balor agrega, pa motibo
tabata falta un partido, esun di mas importante. Cu di prome
dia a bisa cu ta Lijsttrekker lo asisti. No, a keda exigi Lider
di Partido, cu ta nr.29. riba dje por bin cu candidato Nr.2
tambe. Dus den caso di AVP, Nr.29 tin cu bay y Nr.2 lo mester
bay. Awor con a para cu Nr. 1. P’esey e debate no tabatin un
balor agrega.
EN realidad corecto lo tabata cu ta Prensa organisa, t’esun
cu tin cu duna puntuacion kende ta gana un debate. No un
pueblo cu por vota. Pasobra e fanatismo ciega lo laga su
partido vota, y lo yam’e e sistema cu ningun otro hende por
drenta pa vota. Imagina bo segun mi cu HTC a haci miho cu
RED. Algo cu no ta klop.
UN biahe mas, Tur parti mundo, ta Prensa Organisa t’esun
Diahuebs, 21 November 2024
cu ta dicidi riba un debate politico. No un fanatico ciega.
NO ta prome biahe cu un partido ta keda sin participa na un
debate. Tabata na 1998, Partido pa un Aruba Restructura
Awor (P.A.R.A) cu su Lider Urbano Lopez, durante un debate
organisa na Tele Aruba, a bandona dicho debate “on the air”,
pasobra e moderador, Ronny Bret no kier a cambia un di e
puntonan pa discuti ariba. E tempo ey Partido PARA tabatin
Color. Beta y no a logra ningun asiento. Despues di tempo
Urbano Lopez a bira Secretario di Conseho di Minister pa
Prome Minister Nel Oduber.
PA loke te debate di diamars anochi den Renaissance
Conference Center, organisa p’e grupo di Milliniums, sigur
tabata miho di e dosnan anterior, esta di SNBA y esun di
KVK, UA y Setar. Aunke aki aya a yega na un climax, pero
no manera desea. Si analisa e debate nacional, manera el a
wordo yama, e politico cu a sobresali tabata Otmar Oduber
di PPA, kende tabata mas concreto den su ponencianan. Nos
sa cu ta dificil pa haya un debate di “one and once” of “car
acara” y p’esey e ta keda un forma di pregunta y contesta.
Mester admiti si, cu e forma di e debate aki ta habri wowo di
esnan cu ainda ta indeciso pa kende vota.
E debate di diamars anochi tabata bon hinca den otro. Y
tabata prome debate sin cu otro a wordo ataca manera
antes. E tabata consiso basa riba programa. Aunke cu dife-
rente ocasion MAS, y HTC, y FUTURO tabata kraak directo
Minister President. Pero por pasa, cu el a keda na minimo
dor di e seconde duna. Por lo general tabata miho cu esnan
di KVK y di SNBA.
ASINA e dia di eleccion ta mas cerca, nos lo duna nos
pronostico di e resultado. Hecho ta cu AVP y MEP ta keda
e dos partidonan mas grandi. Pa trece un cambio manera
desea, e partido chikito, mester forma un bloke, manera
Gerline Croes di FUTURO a propone. Lo mester forma un
bloke di tur partido chikito cu saca asiento, pa dicho bloke
negocia cu e partido mas grandi pa forma Gobierno.