Page 78 - MIN VOS 9 NOV 2015
P. 78
12 persona den edad di 27-32 a haya stroke recientemente na
Aruba
Publication: Monday, 9 November 2015. Categoria: General
Dr. Maritza Ordoñez:
ORANJESTAD (AAN) – Dr. Maritza Ordoñez tabata un orado durante e Congreso di Stroke,
Diasabra ultimo. E dama ta Consehero Medico na Departamento di Salud Publico (DESPA), y el
a trata e tema: “Estilo di bida awor y den futuro”.
Dr. Ordoñez a menciona cu estilo di bida y pronostico di bida ta dos aspecto situa banda di otro.
El a subraya cu e Plataforma Promocion di Salud di DESPA tin hopi trabao pasobra, prome cu
tur cos, cu cambio di cultura ta dificil, pero loke si por cambia ta e mentalidad y e forma cu nos
ta biba.
E presentacion di dra. Ordoñez a consisti di e siguiente contenido: Kico ta estilo di bida,
expectativa di bida na Aruba, costo di estilo di bida, diferente estilo di bida, pronostico di bida y
prevencion di stroke.
Kico ta estilo di bida? Dr. Ordoñez a subraya cu ta dificil pa bisa cual ta e concepto real cu ta
wordo reconoci rond mundo. Saca di diferente estudio, estilo di bida ta un habito, un manera, of
custumber cu ta caracteriza e manera di biba di un persona of grupo di persona den un
comunidad.
Esaki ta inclui e forma di alimentacion, habito manera humamento di cigaria, consumo di
alcohol, habitonan di higiene, manera di bisti, di papia, di cana, etc.
Estilo di bida por wordo tuma over di un mayor, un ruman, amigo, colega di trabao, etc., di
medionan di comunicacion manera radio, television, celular, internet, y e red di social media. Ta
e manera con e persona kier tuma over di locual ta actual.
Expectativa di bida: Esaki ta for di momento cu e persona nace te ora e fayece. Expectativa di
bida na Aruba pa hende muher ta 79.8 banda di hende homber cu ta 73.9.
Den e mesun rosea aki tin e expectativa di bida saludable y e expectativa di bida no saludable.
