Page 19 - MIN JUS 30 NOV 2015

Paramediconan a traha pa mey ora largo riba homber cu no
tabata duna señal di bida na Pos Chiquito

Publication: Monday, 30 November 2015. Categoria: Policial

ORANJESTAD (AAN) – Algo pasa di 9or di anochi ambulance ta wordo pidi cu urgencia dilanti
Tio Pepe Bar Restaurant na Pos Chikito pa un persona cu no ta duna señal di bida.
Na yegada e paramediconan ta topa cu un homber tira na suela y algun persona tratando di dune
prome auxilio ya cu e no ta dunando senjal di bida.
Mesora paramediconan a cuminsa traha cu e homber conoci como Otty y kende ta biba den Cas
di Pueblo un poco mas cu cien meter leu.
Segun por a compronde di e amigo cu tabata cune, nan tabata combersa cu otro ora cu dado
momento el a nota cu Otty tabatin problema a hala rosea y el a bise “si bo mester saca hinca dede
den bo garganta y saca”. Tabata parce cu e tin problema serio pa hala rosea.
Segun e amigo, el a bay paden di e restaurant pa busca algo y na momento cu el a bolbe el a haya
Otty tira na suela, boca abou banda di un auto.
El a trata di papia cune mientras cu algun hende a cuminsa yega cerca y a yuda bire boca ariba.
Un rato a pone sinta y a constata cu el a haya pulso leve pa un rato y djey nada mas.
Personanan den vecindario a cuminsa masashi su curason te ora cu paramediconan a yega.
Na e sitio Paramediconan pa un poco mas cu mey ora a traha riba e homber tratando di reanime y
inclusive a hinca un tubo den su garganta pa despues transporte cu urgencia pa hospital,
acompanja pa Polis.
Na e sitio a yega Recherché cu a cuminsa mesora cu un investigacion.
Segun un amigo di dje, e ta un persona cu ta sufri di asthma pisa y continuamente por mire cu su
botter di Ventolin. No ta conoci si el a haya un atake y e no tabatin su remedy cune.
http://www.diario.aw/2015/11/paramediconan-a-traha-pa-mey-ora-largo-riba-homber-cu-no-tabata-
duna-senal-di-bida-na-pos-chiquito/