Page 21 - MIN JUS 30 NOV 2015

Pa aña 2016 ta calcula cu mester 10 miyon florin pa cuminsa. “E fondonan ey no t’ey” na
husticia, como cu a corta den e presupuesto di husticia tambe e ultimo añanan. A haci loke tabata
por, pero a yega e limite awo y e mandatario ta simplemente warda awo si e fondonan adicional
lo bin of no lo bin. Tur instancia cu mester ta informa ta informa caba.

E urgencia t’ey. Dowers a splica cu e ta un riesgo hopi grandi pa no haci nada. Prison ta un di e
aspectonan internacional cu gobierno tin responsabilidad pa cun’e y hasta ta haya control di e
organisacion europeo cu ta inspecta prisonnan. Pa e ultimo 20 añanan e prison di Aruba
continuamente ta ricibi critica.

Minister Dowers a subraya cu mester corda cu no ta solamente e presonan, sea ta sospechoso of
ya tin nan sentencia, ta esunnan cu ta biba cu e circumstancianan no adecua, pero tin hopi hende
ta traha den e condicionnan aki.

“E fondonan ey ta disponibel. No ta asina ey cu no tin fondo na Pais Aruba. Tin fondo,” Dowers
a remarca.

El a conclui bisando cu el a asumi e responsabilidad te na unda tin medionan pa brinda servicio,
pero no tin mas medio, cual tin como resultado entre otro tambe cu tin casonan cu como minister
e mester laga algun hende sali for di prison mas tempran.

Si kier atende cu tur hende cu ta comete infraccion contra ley y ta un menasa pa comunidad,
mester tin facilidadnan adecua, Minister Dowers a bisa enfaticamente. Y pa awo e ta warda riba
e reaccion y decisionnan y si lo bin mas fondo disponibel pa cumpli cu e responsabilidad cu a
wordo poni riba su schoudernan.

http://www.diario.aw/2015/11/tin-fondo-pero-mester-aloca-nan/