Page 20 - MIN JUS 30 NOV 2015

Tin fondo, pero mester aloca nan

Publication: Monday, 30 November 2015. Categoria: General

KIA no por sigui mas asina segun Minister Dowers:

ORANJESTAD (AAN): Minister di Husticia, Arthur Dowers a vocifera su preocupacion den
un entrevista e siman aki, bisando cu awo si na KIA nan a yega na e punto cu “no por sigui mas”.
El a informa su coleganan minister tocante e situacion den un carta den cual el a duna di conoce
na den palabranan hopi cla cu mester aloca fondo pa KIA y e situacion ta serio.

Dowers a laga sa cu basicamente tin fondo, pero nan no ta disponibel pa husticia haci uzo di nan
y ta na e coleganan minister y na Staten – cual tambe ta informa di e situacion, pa tuma
decisionnan clave pa cu alocacion di fondonan pa KIA.

Husticia ta hibando un lucha fuerte contra crimen y e resultadonan ta di tal indole cu prizon ta
continuamente yen, Dowers a bisa, pero, esey ta algo cu e tin seis aña ta ripiti caba.

Tin hopi idea y plannan, pero e finansanan mester; minister di husticia no por dispone di
fondonan di pueblo manera cu e ta haya ta bon y “mi ta mira cu tin un reparticion di fondonan di
tal manera cu ta crea un desbalansa,” Minister Dowers a expresa. El a agrega cu e reparticion di
fondonan ta un punto di discusion actual den ministerraad y staten y e ta spera cu bin cambio pa
asina bini mas fondo pa prizon por keda mas optimal posibel.

E mandatario a elabora riba e situacion di KIA. E prizon ta mal traha, e ta traha na un forma
inferior y no a ricibi mantencion adecua. E infrastructura no ta adecua pa maneha e tipo di
criminalnan y situacionnan cu ta confronta cun’e actualmente pa motibo di crecemento di e
populacion y globalisacion. Un otro factor importante den e cambio di e perfil di crimen na
Aruba ta e situacion cu hobennan ta wordo lanta y educa na un forma diferente, cual tambe ta
trece mas crimen y criminalidad cu no a conta cun’e ora cu e prizon a wordo construi mas di 20
aña pasa.