Page 54 - vos oct 12
P. 54
Dr. Deepu Daryanani: Aruba mester di protocolnan pa miho
screening y deteccion tempran
Publication: Monday, 12 October 2015. Categoria: General
Congreso di Oncologia y Hematologia 2015
Radioterapia ta importante pa cuido paliativo tambe
ORANJESTAD (AAN) E congresco internacional di oncologia y hematologia cu ta tuma luga na
Aruba dianan 15, 16 y 17 di oktober, 2015 ta conta cu expertonan y profesornan
internacionalmente reconoci como oradornan, unda cu e asociacionnan di cirugano, oncologia y
radiologia di Hulanda hasta a acredita participacion di mediconan cu un nivel halto di punto.
Ta algo di ta hopi orguyoso di dje; e acreditacion ta di 15 punto pa dos dia di atendencia,
cirugano oncologo Arubano Deepu Daryanani a comenta.
Daryanani a añadi cu e lista di oradornan ta uno impresionante y ta conta cu lidernan den cuido y
tratamento di diferente tipo di cancer di Hulanda.E programa ta inclui oradornan di otro paisnan
manera Merca, Surnam y Aruba, y e topiconan lo inclui cancernan di colon, pecho, pancreas,
entre otro, como tambe aspectonan di malesanan di sanger, esta hematologia.Den tratamento di
cancer tin tres area principal, esta operacion (cirugia), kimoterapia (chemo) y radioterapia
(bestraling).
Dr. Daryanani ta splica cu na Aruba casi tur operacion ta wordo haci. Solamente e operacionnan
cu ta rekeri mas cuido specialisa y un infrastructura specifico, particularmente si mester di cuido
intensivo despues di e operacion, no ta wordo haci na Aruba.
E specialista a splica cu si na Aruba tin apenas un of algun di e tipo di operacion aki pa aña ta
miho manda e pashent den exterior, unda cu den e mesun hospital ta haci 20 pa 30 di e
operacionnan specialisa pa aña, nan tin mas experiencia y e mashinnan necesario pa e operacion
y e “nazorg” specifico.Pa loke ta trata kimoterapia, cual ta administracion di remedi, Aruba tin
tur servicio.
Riba tereno di radioterapia tin un proceso andando entre gobierno y IMSAN pa establece un
centro di radioterapia na e centro medico na San Nicolas.
