Page 55 - vos oct 12

Dr. Daryanani ta boga pa e proceso aki wordo acelera y asina por ofrece miho cuido na cas no
solamente na pashentnan cu lo a wordo manda Corsou of Colombia, pero tambe por ofrece
tratamento paliativo na e grupo cu e ta referi na dje como e pashentnan cu ta wordo lubida.

E pashentnan cu ta den un fase hopi leu di cancer y ta terminal por haya un alivio di nan
dolornan pa medio di radioterapia. Daryanani a splica cu ta trata di pashentnan cu tin hopi dolor
y kisas mester di apenas un of dos tratamento di radioterapia pa e dolor kita; e ta hopi caro, pero
principalmente ta hopi dificil pa manda e pashentnan aki pa un of dos bestraling so Corsou of
Colombia como cu tin hopi di nan cu no por cana of ta drumi riba un cama, of nan no ta bastante
fuerte pa haci un viahe asina.

Si tin servicio di radioterapia na Aruba, e pashentnan aki lo por haya e cuido paliativo, cual ta
duna un miho calidad di bida den loke e pashent ta resta di bida.

E trato pa e pashent aki ta hopi importante, segun Daryanani. El a bisa enfaticamente cu
curamento di cancer ta hopi importante pero ta importante tambe pa haci esunnan cu no por cura
mas confortabel, esta brinda nan e miho calidad di bida posibel.

Dicon nan mester sufri mas, ya caba nan tin mala suerte, el a agrega.Un otro tratamento cu no ta
disponibel na Aruba tampoco ta trata hematologia, esta “stamceltransplantatie”.

Pa e tratamento e pashent ta wordo manda pa exterior tambe.Ya tin 125 persona inscribe pa e dos
prome dianan di e congreso, cu ta consisti di sesionnan pa e mundo medico. Tin participantenan
yegando Aruba for di Corsou, Surnam, Merca, Hulanda, Costa Rica, Colombia y hasta India.

Un di obhetivonan principal di e specialistanan di Aruba ta pa yega na diferente protocol pa cu
screening pa diferente tipo di cancer. Hopi di e screeningnan ta posibel na Aruba mes.

“Nos kier traha protocolnan pa Aruba pa e pashentnan por wordo gescreen, pasobra aworaki nos
ta hayando e pashentan ainda bastante leu den e proceso di cancer, esey ta haci nos trabao hopi
dificil pa nos por yuda nan optimal,” dr. Daryanani a subraya.

Un screening pa cancer no ta un “check up general” of loke pashentnan ta bay haci na Colombia
cu ta wordo yama un “executive check up”, el a splica. E check up general no ta cubri tur cos y
ta duna un “schijnveiligheid”, el a comenta.

Un screening ta mas specifico y entre otro lo tin un charla tocante e fundacion BOB cu ta
trahando riba realisa screening pa cancer di pecho general na Aruba. Lo papia tambe tocante di
screening pa cancer di cervix (boca di matris) y cancer di colon, entre otro.

E sesionnan di diasabra, cual ta habri pa publico ta enfoca riba screening y radio terapia.Dr.
Daryanani a splica cu e congreso tin dos meta: uno, pa fortifica e relacionnan cu e top di mundo
di oncologia y, dos, pa laga hendenan na Aruba sa cu aki, den e ramo di oncologia, ta traha riba
un nivel halto.

E profesornan cu e specialista ta referi na dje, hopi di nan tin un relacion di trabao caba cu
Aruba, y ta bon cu nan ta bin wak awo con ta wordo traha na Aruba.Cirugano oncologo
Daryanani a subraya cu hendenan mester bira mas consciente di loke nan ta come y con nan ta
biba, y mester combati obesidad.