Page 54 - HOH

Gobierno a cumpli cabalmente cu locual ta

e pagonan necesario na AZV

September 4, 2020
Minister Xiomara Maduro:*64.1 miyon florin menos a drenta via AZV/BAZV

ORANJESTAD (AAN): Diahuebs durante un conferencia di prensa, minister di Finanzas y
Asuntonan Economico Xiomara Maduro a duna un reaccion riba e inkietud expresa den

salubridad pa loke ta e fondonan cu nan tin mester di dje pa funciona debidamente.

“Ta asina cu Gobierno ta duna e asina yama landsbijdrage y e primanan colecta di AZV
y BAZV na AZV, pa e por haci su trabao”.

Durante e pandemia nos a haya yudanza via fondonan di Hulanda, di cual un parti
tambe a bay pa AZV, segun e minister, kende via algun ‘sheet’ a duna un bista riba e
entrada di e primanan y e landsbijdrage.

E mandatario a mustra entre otro riba e hecho cu Augustus Gobierno a entrega tur e
placa colecta na AZV.

“Ta berdad cu no por a pasa e placa den un solo tiro, pero si bo ta mira tur e dianan di

pago”.

Pa locual ta e primanan di AZV y BAZV, Gobierno den lunanan di crisis di Juni, Juli y

Augustus te hasta a manda extra placa, pa asina AZV por tabata tin tur e fondonan
necesario cu tin cu yega cerca dje.

Pesey tambe pa locual ta e prima di AZV cu normalmente sa tin un balanza habri, e
balanza aki tambe ta na 0, caminda cu e ultimo pago a wordo haci dia 27 di Augustus,

segun Maduro. E mandatario a sigui bisa cu Gobierno pues a pasa tur e fondonan cu
tabata destina pa AZV.

El a splica cu pa locual ta e contribucion di Gobierno di tur aña, despues di e prome
lunanan di aña e pagonan a cuminza y despues a sigui.