Page 59 - HOH

entrega mundo e vacuna cu a sigui tur etapa di investigacion necesario pa wordo
acepta a base di reglanan estableci.

Mundialmente ta mantene un cantidad di investigacionnan prome cu por introduci un

vacuna of remedi na un pais. Mester di tres fase di test pa por duna credito final na un
vacuna y Pfizer a anuncia cu dentro di algun siman el a termina cu tur e exigencianan
pa por presenta su producto.

Esaki ta nifica cu e autoridad cu ta duna permiso na benta legal di remedi na Merca,
FDA, mester ta prepara pa por investiga y anuncia oficialmente cu por pone e vacuna
riba mercado.

E compania Mericano ta solamente uno di e total di 250 compania cu ayera tardi lo
tabata na careda pa produci e producto di realisa un contra atake oficial contra Covid-
19.

Hulanda ta entre e paisnan cu tambe a cuminsa cu e testnan y e cantidad di persona cu
ya a inscribi na Hulanda, Belgica, Merca y mas pais, ta surpasa e cantidad necesario cu
mester pa e testnan oficial.

E subsidiario di Johnson and Johnson na Leiden, Hulanda, a anuncia e avance cu el a
registra cu su vacuna den e careda cu tin atencion total di mundo, cu te cu ayera tardi
a registra casi 27 Miyon di persona cu a wordo infecta y ta sigui plama e malesa.

Mientras un grupo grandi ta en espera di e momento cu por bay tuma e vacuna, na
Merca cu ta confronta eleccion na November, a bini dilanti cu e introduccion di vacuna
ta mara na e eleccionnan aki.

E director di Pfizer a contradeci e informacionnan.

E pregunta grandi pa tur pais ta bira awor con ta dicidi riba compra di e vacuna pa cual
ya cantidad di pais a paga.

Na mes momento tin un grupo grandi di ciudadano cu no kier vacuna di cierto paisnan
di cual nan no tin prueba cu e testnan a bay manera regla ta exigi.