Page 55 - HOH

Segun e minister, akinan tambe Gobierno ta riba schedule cu e pagonan di
‘landsbijdrage’, contribuyendo tambe cu e parti aki.

“Ta bon pa trece dilanti si cu claramente COVID-19 no ta solamente un crisis di

salubridad, pero e ta tambe un crisis di likidez”.

E parti aki tambe tin su efecto riba e fondonan cu ta bay AZV, pasobra na momento cu
economia ta lora menos bo ta haya aden menos di e primanan di AZV y BAZV y esaki ta

afecta e fondonan.

Mester bisa cu den total esaki ta 64 miyon florin menos cu a bay pa e fondo aki di AZV
y esey sigur ta un reto grandi pa e organo cu tin cu ehecuta e parti aki, segun e

mandatario.

Maduro a sigui bisa cu e ta compronde cu esaki sigur ta stroba nan di cumpli cu tur nan
debernan.

“E mensahe cu mi kier trece di parti di Gobierno ta cu Gobierno a cumpli cabalmente cu
locual ta e pagonan necesario na AZV”.

Un 20 miyon florin for di e placa di Hulanda tambe a bay extra pa AZV, segun Maduro.

El a sigui bisa cu mester tene cuenta cu e hecho cu di Januari te cu Augustus, pa locual
ta e prima di AZV, 20.6 miyon florin menos a drenta y pa locual ta BAZV, a drenta 43.5

miyon florin menos.

El a splica cu esaki nifica cu 64.1 miyon florin no a yega na AZV pa motibo di e crisis cu
ta pone cu economia no ta produci suficiente.

“Banda di tur esaki ta importante pa menciona cu un di e condicionnan pa por a ricibi e
fondonan di sosten di Hulanda, tabata cu nos mester a corta 5 miyon den e fondonan
pa AZV y esaki tambe tin su efecto”, segun e minister, kende a indica cu e ta realiza cu

e ta un situacion hopi fastioso.

https://diario.aw/2020/09/gobierno-a-cumpli-cabalmente-cu-locual-ta-e-pagonan-
necesario-na-azv/