Page 58 - HOH
P. 58
Vacuna Covid-19 por sorprende na 2020!
September 4, 2020
- Advertisement -
Reino y Aruba tambe lo ta prepara protocol pa suministracion
*250 compania lo ta participa den e careda pa ataca malesa
*FDA Mericano ta reuni y Pfizer ta promesa pa October 2020
ORANJESTAD(AAN)– Con ta bay traha e lista
di e prome personanan cu lo ricibi un vacuna contra Covid-19? Un mundo cu tabata
parce completamente desespera enfrente e coronavirus cu a ataca na 2020, awor ta
presenta informacion di speransa.
DIARIO ta sigui desaroyonan medico rond mundo pa asina por duna informacionnan di
loke sigur lo bira e noticia di 2020, ora oficialmente pashentnan cuminsa ricibi
vacunanan contra e virus.
Importante a bira e momento cu DIARIO a wordo informa dor di informantenan no
oficial cu tanto den Reino como na Aruba, ya ta traha riba un protocol con mester traha
riba prioridad pa administra e remedi y cual reglanan special mester wordo introduci pa
uzo di e vacuna.
Na e momentonan aki, e instancia Mericano oficial cu ta encarga cu control di remedi
FDA, ta prepara su mes pa un encuentro oficial e luna aki pa asina papia di e posibel
resultado di e compania Mericano Pfizer, cu a priminti cu na October 2020 e lo por
