Page 14 - MIN VOS MARCH 22,2016

Animeermeisjesnan tin cu controla tur siman

Monday, 21 March 2016 20:39
Comparti

Prostitucion legal ta conoci na Aruba y Departamento di Malesanan Contagioso tin un rol importante den esaki.
Segun hefe di e departamento, Sharline Koolman, e parti di prostitucion, na Aruba e ta ilegal, pero loke tin ta
animeermeisjes, cu ta regla den landsverordering bemettlijke ziektes.

Apart di esey un persona den e caso aki, na barnan di San Nicolas, tin permiso pa tin cuater animeerdames den
nan establecimento cada biaha. E doñonan di bari aki ta busca e damanan aki. O sea na Colombia y tambe for di
Republica Dominicana. E damanan aki ta drenta, haci nan testnan di caminda nan ta bin y nan ta drenta cerca
DBZ en principio tur dialuna, pa haci nan testnan. E tesnan cu nan ta haci ta riba HIV, Syphilis y nan ta haci e
parti di tuberculosis. Eseynan ta sosode riba dialuna y den e siman eynan mes nan tin cu scana nan potret di
pulmon y ta wordo mira pa un dokter cu ta apunta pa esaki. A base di tur e testnan ey y tambe e resultado di e
test cu nan a bin cun'e di e pais di unda nan a bin, DBZ ta duna Dimas un conseho cu e dama aki ta saludabel, cu
e por traha na Aruba. A base di esey Dimas ta duna un permiso pa tres luna. Despues di tres luna e persona aki ta
bay y e por haci un peticion bek despues di un aña cu e lo kier bin un biaha mas na Aruba. Eski ta wordo controla
pa dokter den e prome siman cu e ta na Aruba, pero tambe ley ta prescribi cu e persona aki, dus e dama aki,
mester presenta tur siman na e dokter pa haci su control. Si e tin algo cu e ta sinti den e tres lunanan ey, e mester
bisa e dokter y e dokter mester haci e testnan necesario pa controla e dama aki, si tur cos ta bon. Esey ta segun e
landsverordering besmettelijke ziektes, Koolman a splica.

http://www.24ora.com/local-mainmenu-5/106699-animeermeisjesnan-tin-cu-controla-tur-siman