Page 19 - MIN VOS MARCH 22,2016

Sharline Tromp di DBZ Haciendo testnan regular bo
ta proteha bo mes y otronan rond dibo

Monday, 21 March 2016 20:36
Tweet

Comparti

Segun hefe di departamento di malesanan contagioso, Sharline Koolman, e departamento ta haya tur e
meldingnan. Tur caso ta wordo notifica o sea door di dokter di cas of door di un specialista of door di
laboratorio cu ta haci e test.

E momento cu haya e resultadonan, ta mandanan pa departamento di Epidemiologia di Departamento di
Salud Publico y nan ta haci e analisis di dje y e graficonan di cuanto hende tin, tanto hende homber como
hende muhe, pero e datonan ta haya for di DBZ. E datonan ta importante pasobra tin cu traha un perfil. Kico
mas of menos ta e personanan cu mas tanto ta infecta den edad, den categoria di edad, hende homber y
hende muhe, ki tipo di scol, etc. A base di esey, DBZ sa con ta bay approach. Ken tin cu bay duna
informacion, ki tipo di informacion tin cu duna, pasobra tin hopi informacion awendia riba internet, den
media, pero por ta e no ta yega na e personanan ey y/of e persona tin miedo of e no sa unda pa bay of pa bay
haci un test. Pa DBZ e informacionnan ey ta importante pasobra a base di e informacion ey ta bay traha riba
e parti di concientisacion, si ta scolnan tin cu bay, na oficina, na trabaonan mas tanto pa duna informacion
con pa preveni. A base di esey DBZ ta saca nan. Awo informacion cu nan tin di aña pasa, ta mustra un
crecemento locual cu ta wak ta bay sosode caba, vooral den hende homber y edadnan mas halto cerca hende
muhe. Esey kiermen cu e stress cu tabata traha cun'e cu tabata deal mas tanto, bay scol, duna informacion ey
nan, ya caba aña pasa y e aña prome, a haya peticion di hotel, cu tin siman di salud y nan ta pidi pa duna
informacion. Es decir cu lo stimula pa companianan cu ta mas grandi of banconan, ora cu nan tin
actividadnan pa nan banco y/of otro gruponan comercial, otro companianan na Aruba, pa por fabor, nan por
acerca DBZ. Tin compania ta acerca DBZ pa duna por ehempel vacuna di griep na fin di aña. Mescos cu nan
ta haci esey, por pidi nan pa duna informacion riba HIV. Si e trahado ta salud, no solamente cu e parti di
peso di e persona ta importante, colesterol, etc., Por ofrece un HIV test y duna informacion, esey ta contribui
tambe na e bienestar di e trahado y si e trahado ta saludabel, e por produci mas pabo. Si acaso e persona sali
positivo mes, e compania en principio no lo haya sa, e ta keda entre DBZ y e trahado, pero e trahado por
wordo guia mas miho, e ziektemelding lo ta hopi menos, casi nihil, pasobra si e ta bon bao di tratamento,
esey no mester sosode. Loke kier purba di evita mas tanto ta cu ta haya personanan hopi laat. Es decir cu un
persona loke cu a yega di mira den pasado, ora cu un persona ta wordo tuma den hospital, ICU por ehempel,
cu cierto sintomanan cu no sa na principio y despues di haci cierto test, ta bin saca afo cu probablemente ta
un caso di Aids y esey no ta necesario. Aparte cu e persona aki a yega te den e fase ey y e chens pa e muri ta
bira mas grandi, no sa na caminda tambe cuanto persona mas e por a infecta. E parti ey kier purba di evita
mas tanto cu ta posibel. Si haci e testnan mas regular, bo sa cu bo ta proteha esnan rond dibo y pa bo mesun
salud, bo por biba hopi mas aña, cu bon di salud, cu bon calidad di bida, si bo sa na tempo cu bo ta infecta cu
HIV, Koolman a splica.

http://www.24ora.com/local-mainmenu-5/106698-sharline-tromp-di-dbz-haciendo-testnan-regular-bo-
ta-proteha-bo-mes-y-otronan-rond-dibo