Page 17 - MIN VOS MARCH 22,2016

Sharline Koolman Haciendo test cu adictonan
ambulante no a resulta dje dramatico manera
hende a spera

Monday, 21 March 2016 20:34
Comparti

Ora cu bay test Adictonan ambulante, no por forsa ningun hende pa haci un test. Ni riba HIV, ni riba ningun
otro test. A yega di ofrece nan pa haci test. Locual e tempo ey a haci tabata mas en cooperacion cu
Drugscoordinatie Bureau, pasobra nan kier a traha un file di cada un di e clientenan ey pa nan wak cu kico ta
deal cune y kico ta e servico cu tin cu bay duna.

E tempo ey DBZ a coy sanger di algun di nan, pero no a saca afo asina hopi malesanan transmiti
sexualmente, manera spera. No tabata asina dramatico, segun Sharline Koolman di DBZ. E tempo ey tabata
bon. Ora cu ta bay haci algo asina aki, no sa kico pa spera y hopi biaha den e grupo ey ta pesan cu e problema
ta mas grandi. E temo ey loke a saca afo, e problema no tabata riba HIV sigur cu no. Riba e otro malesanan
transmiti sexualmente, no mucho tampoco cu por bisa cu ta un peliger grandi pa salubridad publico. Ora cu
sa cu por tin hende ta haci uzo di e drogadictonan ambulante pa tene relacion sexual pa paga pa nan por
cumpra nan droga, esey nos tur por pensa esey, pero un persona probablemente lo uza un condom hopi mas
lihe. Esaki pasobra bo ta asumi cu e persona aki por tin algo cu por paga cune. E problema ta sinta cu e
persona cu no ta mustra of cu ta biba den comunidad manera un persona manera nos tur y no ta duna
ningun muestra cu e tin un malesa transmiti sexualmente. Ta confi'e hopi mas lihe y ta bay tene relacion
sexual cu e persona aki sin ningun proteccion y eynan e peligerlocual ta wak den informacion y/of
personanan cu ta presenta na DBZ, e peliger ta mas grandi eynan, segun Koolman. Tin varios di e hendenan
di e mesun sexo, pero tin tambe locual ta parehanan casay e hende homber of e hende muhe ta tene relacion
sexual pafo di e matrimonio o sea cu e otro sexo, pero tambe cu e mesun sexo. Locual cu ta wak tambe ta un
hende homber cu ta tene relacion cu un otro hende homber pafo di su matrimonio y su pareha no sa. Door cu
e pareha no ta na altura y/of no kier comparti esaki, no tin uzo di proteccion e ora den e matrimonio mas of
no tin. Door cu e persona aki no ta tene proteccion cu e persona pafo di e matrimonio, ta haya e momento cu
e haya e malesa, e ta trece den e matrimonio. E ora pa un of otro motibo nan tin cu traha cas of ta sinti algun
sintoma y ta bay dokter, ta haci e test y e ora ey e ta sali positivo. E momento ey tin discusion ken a bin cu e
malesa, ken a corta horea di ken. E tipo di cosnan ey ta hopi sensitivo y fastioso, vooral si tin yiunan envolvi.
Pero no ta na Aruba so ta mira esey. E ta algo cu ta mira den e region tambe. Pesey ta bisa cu ora cu tene
relacion sexual pafo di bo matrimonio o sea cu e mesun sexo of cu e otro sexo, proteha bo mes pa bo no trece
HIV so, pero otro malesanan tambe den bo cas, den e matrimonio, caminda cu hopi biaha ta finalisa den
divorcio. Pasobra cu un di e parehanan no ta acepta e situacion y pa mas tanto cu puba di guia nan, mayoria
biaha e no ta bay bon. E parti di guia matrimonio, esey no ta tarea di DBZ. Tarea di DBZ ta pa yuda den e
parti di e malesanan transmiti sexualmente pa esakinan ta bao di control. Koolman a splica cu pa sinti cu tin
aids, ya caba e ta hopi leu. E momento eynan ta pasobra e sistema imunologico ta asina abao cu malesanan
oportunistico ta haya tur chens di probecha di bo curpa. Den sentido cu si haya un griep, e persona ta keda
un siman un tiki malo, ta tosa, ta bebe remedi y ta recupera. Den caso di HIV no. Ora un persona no ta
uzando tratamento y e virus tin su curpa asina domina cu e mes no por bringa ningun malesa mas, e
momento ey, un simpel griep por bira un pulmonia. Esey ya caba por duna un indicacion cu vooral si e ta