Page 15 - MIN VOS MARCH 22,2016

Pa nan propio proteccion ta exigi e animeermeisjesnan
pa haci un test manera cu nan yega Aruba

Monday, 21 March 2016 20:34
Tweet

Comparti

E damanan di anochi ta bin cu e testnan di afo. Esaki ta wordo exigi pa e persona su mesun proteccion pero
tambe di e clientenan, ya tin un idea kico e ta bin cun'e. Pero, segun Sharline Koolman, hefe di Departamento
di Malesanan contagioso, pa e dama no haci e gastonan innecesario. Tin biaha e persona por laga otro hende
haci e test, e ta haci daño na su mes.

Pasobra si e yega Aruba y e test resulta cu e tin algo riba dje, e ta gasto pa e dama aki. No tin cu lubida cu ora
nan bin Aruba, nan tin cu paga nan ticket, nan tin basta gasto pa haci y ora cu nan yega aki cu un resultado
asina, DBZ ta manda nan bek na nan pais. DBZ ta duna un negatief advies na Dimas, e ora e dama tin cu bay
bek. Pa un dama asina aki bin cu un test falsifica, ta gasto pa su mes e ta. Pesey ta haci e testnan na Aruba y ta
pidi a bin cun'e, pa e proteccion pa su mes, pa e sa kico e tin y no tin. Pa DBZ tin prueba di un prome test,
pero ta haci tur tur cos di nobo ak.i E persona tin cu haci'e dentro di 24 ora manera cu yega Aruba, segun ley.
Ta tuma test di sanger dialuna y diamars si tin algo, laboratorio ta notifica diamars mainta cu tn algo, cu e
sanger no a sali bon. Sino tin nada, pa diamars atardi of diaranson mainta ta ricibi resultado di laboratorio. E
potret di pulmon tambe ta word saca riba diaranson. Tambe si tin algo pa e dia ey ya caba sa cu tin algo cu no
ta bon. Ley ta bisa tambe cu e personanan aki no mag di traha te ora cu nan haya e permiso di trabao. Es
decir, te ora cu DBZ informa Dimas cu e personanan aki mag traha, e ora si el a yega dialuna, pa diaranson
atardi, of diahuebs mainta ya caba e persona sa si e mag traha si of no. En principio dialuna, si e persona yega
diadomingo, ta te diahuebs pa diabierna e mag di traha. Si polis pasa y haya nan ta traha, e por stopnan y
tambe e por laga informa Dimas cu e persona aki ta trahando siendo cu e no mag. Y nan tambe por tuma
medida di saca e persona afo. E testnan no mester ta tur siman, pero e damanan aki si mester bay tur siman
dokter. E control tin cu sosode tur siman solamente riba indicacion, si e persona ta sinti algo y e dokter ta haci
test. Pero e test completo ta solamente na comienso. Un dama cu ta duna sevicio, cu a wordo controla pa DBZ
y ta wordo controla pa dokter di cas, no tin cu lubida cu e personanan aki ta duna servicio na mas cu un
hende. No ta pasobra el a controla y ta bisa cu ta bay tene relacion sexual cu un prostituta sin proteccion,
pasobra cu mey mey di e tempo ey no sa kico por a pasa. E ta keda semper consehabel pa uza un condoom y
den e barnan nan tin condoom disponibel. E por wordo uza, bo mes por bay cu dibo tambe, pero ta keda stess
riba dje cu no ta pasobra nan ta controla, esey kiermen cu bo po tene relacion sexual sin condoom. Esey no ta
e caso, segun Koolman. Damanan cu a yega di bin for di exterior, ta un biaha a bin resulta cu un dama a bin
HIV positivo. E persona a bin cu su testnan negatief. Y dia cu a haci e test di nobo, e test a sali positivo. E por
tabata cu ta yama e Window Period cu e mes no tabata sa cu tabata esey. Por ta el a laga un otro hende haci
test di sanger pe. E tempo ey no a saca esey afo, pero e modo cu e persona a reacciona, Koolman ta pensa cu e
no tabata sa. E tempo ey e testnan tabata diferente cu awo. Awor aki e testnan ta hopi mas sensibel. Ta
catchnan hopi mas tempran. E tempo ey esey no tabata e caso. Pero e manera cu e dama aki a reacciona, no
tabata bao di e impresion cu e tabata sa. Y mester a gui'e y no por informa ningun otro hende, pasobr ta su
secreto medico, pero na cierto momento e mes a dicidi di bisa e doño di bar cu el a bin trha pe y e doño di bar
a yud'e pa vang op e dianan y pa percura pa cumpra su ticket y su cosnan pa el 'a bay bek. A dun'e tambe carta