Page 20 - MIN VOS MARCH 22,2016
P. 20
Salud Prome tabata Zika, awo e mesun sangura ta
propaga otro enfermedad na Africa
on: March 21, 2016In: Life StyleNo Comments
Print Email
LUANDA, Angola – Un brote di sangura geel a cobra bida di por lo menos 146 persona na Angola, desde
December, di acuerdo cu Organisacion Mundial di Salud.
Hopi di e mortonan a sosode den e capital Luanda, segun dr. Margaret Harris, un experto pandemico di
OMS. El a describi esaki como un “brote grandi.”
E enfermedad ta wordo transmiti pa dos tipo di sangura, un di nan ta responsabel di e virus di Zika cu a
haci un desaster den e continente Mericano.
E virus di keintura geel ta wordo transmiti ora cu un sangura ta pica un macaco infecta y despues e ta
pica un humano.
E sintomanan ta inclui keintura, dolor muscular, nausea, sacamento y perdida di apetit, y por wordo
confundi cu malaria y otro enfermedadnan transmiti pa sangura.
Un porcentahe chikito di persona infecta ta experimenta un di dos fase en cuestion di 24 ora despues di
a wordo enferma.
Esaki ta bin cu sintomanan mas avansa, entre nan ictericia, hemoragia y sangramento di wowo, nanishi y
boca.
Por lo menos mita di e pashentnan cu ta yega na e di dos fase di e enfrmedad ta muri den cuestion di 10
pa 14 dia despues.
No ta existi un tratamento pa keintura geel, pero e pashentnan por ricibi atencion.
Fuente: CNN en Español
http://masnoticia.com/salud-prome-tabata-zika-awo-e-mesun-sangura-ta-propaga-otro-enfermedad-
na-africa/
