Page 14 - AM200921

14 AWEMainta Dialuna, 21 September 2020

Diasabra y diadomingo

Laman a lanta basta bruto

ULTIMO dianan tabata haci un calor sofocante,

practicamente no tabatin biento. For di diasabra y
diadomingo mainta, por a nota cu laman a lanta cu
varios ola grandi parti pabao di Aruba. Pero esaki

no a stopnan nos hendenan y turista pa disfruta di
nan dia.
Manera menciona, debi na mal tempo den nos

region, a influencia e laman rond di nos isla, di
cual a experencia olanan halto y na costa un poco

mas bruto cu normal. Por bisa for di Punto Basora
te Arashi, e olanan tabata notablemente halto.

Pero esaki no a strobe nos propio hendenan y
turistanan di drenta laman, pasobra e tabata

dushi, combina cu un tiki awasero.

Accident entre scooter y un Toyota Altezza,

Dos personanan riba e scooter a keda herida

DIASABRA den oranan di atardi a sosode un ac-

cidente entre un Toyota Altezza y un scooter. Esaki

a pasa n’e cruzada di Kuiperistraat cu Avenida Milo
Croes. Mesora a pidi pa presencia di Polis y ambu-

lance.
E Toyota Altezza a subi caminda sin duna preferen-

cia n’e scooter cu tabata riba Avenida Milo Croes.

E impacto tabata hopi fuerte, cu ambos persona cu
tabata riba e scooter a keda herida.

Polis y ambulance a yega hopi liher n’e sitio. E camin-
da a wordo cera pa trafico, mientras Polis di Trafico

tabata tumando tur dato. E paramediconan di ambu-

lance a atende cu e victimanan.