Page 16 - AM200921
P. 16
16 AWEMainta Dialuna, 21 September 2020
Dama levemente herida den accidente
causa pa un chauffeur burachi
DIASABRA anochi pasa di 9or, Polis a bay Shiri-
bana net dilanti di Zhangs Supermarket pa un dal-
mento, unda e chauffeur lo ta bou influencia.
Na yegada di Polis di Trafico a bin topa cu e dos au-
tonan mey-mey caminda, un Hyundai Accent y un
Nissan Sentra.
Por a mira claramente cu e Hyundai Accent biniendo
di pabou a hala na su man robes, y bay dal e Nissan
Sentra maneha pa un dama.
Chauffeur di e Hyundai Accent un cabayero di edad
tabata esun bou influencia.
Polis na su yegada a topa tambe cu un Ambulance
n’e sitio, unda e Paramediconan tabata atendiendo e
dama chauffeur di e Sentra.
E impacto fuerte tabata n’e banda di robes di e Sen-
tra causando un daño material enorme n’e auto.
Dor di e mesun impacto fuerte aki e Airbagnan di
e Sentra a bula habri, posiblemente esaki lo a dal e
dama.
Despues di tuma datonan di e chauffeur di e Hyun-
dai Accent transportwagen a wordo pidi, unda cu na
su yegada e la hiba e cabayero kende tabata bou in-
fluencia Warda di Polis na Shaba.
Paramediconan a atende e dama n’e sitio mes.
