Page 32 - ARUBA BANK
P. 32
Guido Picus: Deloitte lo presenta strategianan digital y di
social media
Thursday, 06 July 2017 19:58
1
Comparti
Diasabra lo tuma luga e Small Business Event unda cu Deloitte lo duna un presentacion di social media y
digital dor di nan Senior Manager di Deliotte Digital Services
, esta Guido Picus. Deloitte lo trata e parti con pa set up un strategia rond di e dos temanan aki. Nan a
scoge pa papia riba e temanan aki pa motibo cu doñonan di negoshinan chikito y mediano ta hopi druk y
nan no tin tempo pa pensa riba digital y mercadeo en general.
“Mi kier comparti par di concepto eyden, por ehempel manera un content calendar y branding pa asina
bo por competi online y bira mas exitoso”, Guido Picus a expresa. Guido Picus a invita tur hende pa
presenta na e Small Business Event, pero specialmente pa nan ta presente durante su presentacion cu lo
ta pa 11:00 AM.
Durante su presentacion, Guido Picus lo elabora riba hopi case study. Tambe e ta desea di comparti
experiencianan di Deloitte den mercado y consumidor.
Mainta lo tin e parti di conferencia y despues lo tin algun “breakout session”, unda cu lo tin diferente
tayer. E tayernan aki lo duna diferente punto con pa cuminsa cu negoshi, kico ta e elementonan, kico ta e
ingredientenan pa por tin un negoshi di exito.
E evento lo tuma luga diasabra awor den Renaissance Convention Center, cuminsando for di 9:30AM te
cu 1:00PM. E evento ta gratis pero pa participa mester inscribi yamando 582-1181 ext. 439 of via e-mail
l.croes@idea-aruba.com.
