Page 33 - ARUBA BANK

Michelle de Groot: Small Business Event lo brinda hopi
informacion practico

Thursday, 06 July 2017 19:47
1

Comparti

ATIA lo ta presente na e Small Business Event den cual lo suministra diferente informacion di e
oradornan presente.
Director di ATIA, Michelle de Groot, ta pensa cu e Small Business Event ta un bon iniciativa pasobra
semper tin necesidad den comercio pa eventonan, programanan cu ta duna informacion practico pero ta
fungi como inspiracion pa entrepreneurs, hendenan cu kier cuminsa cu negoshi chikito of esunnan cu ta
den Small Business caba. E evento aki ta duna nan informacion cu nan por uza den nan compania.

ATIA ta haya con e manera Small Business Event ta hinca den otro ta e prome parti tin varios
comerciante conoci cu ta opera den e 4 top sector cu Gobierno kier promove, nan lo conta nan storia.
Tambe nan lo papia riba nan experiencia y con nan ta handle nan compania. “Esaki lo duna inspiracion
na e companianan cu ta presente na e evento”, Michelle de Groot a expresa.

E di dos parti lo ta mas practico di cual lo parti e grupo den varios grupo chikito. Asina aki nan lo haya
mas informacion practico riba diferente topico cu ta relevante pa companianan chikito. Aki nan lo haya
sa con pa set up un website, con pa mantene esaki, pero tambe informacion over di belasting cu ta hopi
importante. E di dos parti tambe ta hopi importante pa companianan chikito.

E Small Business Event lo tuma luga diasabra awor den Renaissance Convention Center y lo cuminsa
desde 9:30 di mainta y lo termina pa 1’or di merdia. E evento lo ta uno gratis pero esnan cu ta desea di
participa mester inscribi yamando 582-1181 ext. 439 of via e-mail l.croes@idea-aruba.com.