Page 21 - HOH

Informacionnan cu DIARIO a ricibi ta indica cu e problemanan cu a presenta na hospital
ta pio cu un calamidad.

Aruba awor no solamente mester gasta placa pa drecha loke a bay perdi den e

ladronicia di informacionnan computerisa, pero Aruba mester tin placa disponibel pa
enfrenta e avance medico acelera cu ta wordo pronostica pa 2020 y futuro.

Cuido medico ta e factor principal pa bienestar di e ser humano. E gastonan cu ta

wordo haci riba tereno di cuido medico, mester wordo bon studia y mester wordo poni
den cuadro di un mundo medico cu durante siglo 20 a conoce un adelanto sumamente
importante.

E forma cu cuido medico a avansa te awor, lo acelera y lo bay exigi Aruba sumanan
grandi pa inverti den capacitacion di su personal, su ekipo y tur loke ta necesario pa por
conta cu un centro di informacion cu ta bay bira e instrumento mas poderoso pa atende
cu enfermedad.

“Conocemento humano y descubrimentonan importante a haci posibel pa cientificonan
por a adapta cuido medico na e sistema, cu a pone edad di hende subi. E hecho cu
hende ta bira mas bieu ta directamente relata na e forma cu por atende cu

enfermedad,” informantenan a mustra.

Remedi nobo, tecnologia nobo pa bringa malesa tabata e arma mas grandi. Hende a
bay realisa con importante ta pa atende cu un malesa na e fase mas tempran di

sintoma.

Tecnologia moderno awor ta hiba hende un fase mas leu na un forma sumamente
rapido cu ta haci cu den e proximo añanan, continuamente gobierno lo mester bay

gasta placa na loke a wordo destrui den hospital di Aruba, cu ta informacion medico.

E avance mas grandi riba tereno medico den un futuro cu ya a cuminsa, ta e forma cu
awor ta uza informacionnan di e pashent y pone esaki contra informacionnan centralisa

pa asina atende cu malesa prome cu e malesa presenta.