Page 24 - HOH

riba e daño grandi cu a wordo haci na Hospital di Aruba, cu a bira victima di ladronicia
di su informacionnan medico riba internet.

DIARIO for di un principio a mustra Aruba riba e resultadonan serio di mal maneho cu a

wordo hiba cu e placa di pueblo riba tereno di cuido medico.

E loke a pasa na Hospital tabata resultado di e hecho, cu e sistema di informacion
computerisa centralisa di hospital, no a wordo proteha contra invasion via internet.

Esaki a haci cu informacionnan di pashent a wordo secuestra, horta, pa medio di e
sistema computerisa via internet.
Pa Aruba por comprende con grave esaki ta, DIARIO a bay tras di cortina di pasado y
futuro di cuido medico na Aruba y riba plataforma internacional.

Na prome luga mester mira e desaroyo cu a tuma luga na Aruba. Na 2013 gobierno
anterior a dicidi cu ta gasta 252.7 Miyon Florin pa construi un hospital nobo, cu a haya
ekiponan cu mester a costa alrededor di 30 Miyon Florin.

Si pone e dos cifranan hunto y pone acerca e trabounan extra cu a bini manera e sala
di operacion, por papia di alrededor di 300 Miyon Florin pa e hospital.

Pueblo lo mester paga un total di 653 Miyon na huur den 29 aña.

Den tur e gastonan aki, no tabatin e proteccion necesario di e sistema di comunicacion
via computer, internet.

Sinembargo, sin e proteccion a centralisa informacionnan medico computerisa di
hospital y profesionnan y instancianan cu ta atende cu salud di e pashentnan cu mester
bay hospital.

Kico a bay perdi ta bira conoci, si tene na consideracion cu e informacionnan di un
pashent ta importante pa por trata e pashent. Dokternan no por atende un pashent
debidamente sin e lista di problemanan cu un pashent tin.

Na momento cu gobierno anterior na 2013 a construi e hospital, ya mundo a drenta un
etapa cu sistemanan computerisa ta asisti den mundo medico den su trabou.
Informacion medico pues tabata central.