Page 25 - HOH

Mientras awor Aruba mester paga pa por recupera tur e informacionnan cu a bay perdi,
Aruba mester gasta placa pa atende cu sistemanan nobo den ciencia medico cu ta
avansa na velocidad halto.

Kico esaki ta nifica? Na Hulanda recientemente e fondo cu ta cubri gastonan medico, a
bay di acuerdo pa cuminsa uza un remedi nobo contra cancer na pulmon. Un remedi
sumamente caro pero cu den cierto casonan lo por yuda e pashent cu cancer. Mas di e
tipo di remedinan aki ta wordo spera di lo subi mercado a base di investigacionnan

cientifico.

Pero tin algo mas. Ciencia a logra habri caminda pa descubri posibilidad di enfermedad
prome cu e afecta e pashent.

Pa esaki e mester di e informacionnan di e pashent, cu sistemanan di computer ta
analisa pa spierta cu e pashent por haya e enfermedad.

Un ehempel. Na mundo actualmente tin 10.5 Miyon hende cu na paisnan desaroya ta
dialisa ora nan riñonnan no por funciona bon mas of mester di un transplante.
Condicionnan di riñon cu ta presenta diripiente, na forma agudo, por bira condicionnan
continuo (cronico) cu ta bira problema serio si tarda pa cura.

Uzo di informacion di pashent ta permiti dokternan determina awor den 48 ora (dos
dia) si un situacion agudo por bira riesgo pa henter bida di e pashent.

Un sistema pa pronostica cancer a base di informacion di pashent, ta wordo uza pa
mira si por desaroya sistema pa pronostica diabetes y malesa di curason entre otro.

E sistema computerisa pues ta bay bira e instrumento mas grandi cu ciencia tin pa

enfrenta enfermedad pero e pais mester bay cumpra e sistemanan aki.

Pero Aruba mester gasta placa pa train profesionalnan den e uzo pero tambe proteha e
sistemanan pa evita cu placa di pueblo y bida humano ta bay perdi.

Na inicio di 2020 pues, Aruba mester bay mira kico ta haci cu e gastonan riba tereno di
cuido medico cu ta exigi mas y mas placa pero di cual bida di e ser humano ta depende.