Page 22 - HOH
P. 22
Informantenan a splica con riba tereno di diabetes por ehempel, ta pronostica si un
persona por haya e enfermedad loke ta haci posibel pa evita cu e enfermedad por
presenta su mes na forma posibel.
Informacion di e pashent ta wordo uza pa yega na comparacionnan di testnan riba un
periodo largo.
Uzo di informacion di pashent ta hunga un luga central y paisnan grandi ta inverti
capital pa prepara pa e era moderno di cuido medico pa cual personal den mundo
medico ta wordo prepara.
Segun informacion cu DIARIO a ricibi mundo ta para na un punto di desaroyonan
sumamente importante den cuido medico. Problemanan cu riñon, deteccion di cancer y
problemanan di curason, ta bay wordo atendi y hasta preveni cu tecnica nobo cu awe
DIARIO ta presenta den su edicion na su lectornan.
Pa Aruba esaki ta nifica cu banda di e placa cu Gobierno actual mester gasta pa
solucion e iresponsabilidad di gobierno anterior pa no a instala ekipo moderno pa
proteha informacion den hospital nobo, Gobierno actual, AZV y tur instancia den mundo
medico mester prepara pa gastonan den capacitacion continuo, ekipo nobo of adapta na
ultimo desaroyonan den ciencia.
Na 2020 Salud Publico ta bay bira un reto pa Aruba, cu mester prepara pa gastonan
grandi riba tur tereno pero sigur den hospital cu for di 2013 mester a wordo ekipa na
un forma responsabel y di acuerdo cu demanda nobo riba tereno tecnologico
computerisa.
https://www.diario.aw/2019/12/avance-medico-acelera-pronostica-pa-proximo-ananan/
