Page 16 - AWEMAINTA

16 AWEMainta Diabierna, 3 November 2017

Gobierno di Sint Maarten a cay

DIAHUEBS miembronan di Parlamento a pasa tres mocion, di cual uno
ta un mocion di desconfiansa contra seis di e shete ministernan di Gabinete
William Marlin. Di e forma aki a yega na un fin tambe di e intentonan di
Prome Minister Marlin pa yega na un Gabinete Nacional. Esaki por a scucha
di informacionnan cu a yega for di e isla, pero cu a keda publica tambe pa
e corant di e isla Daily Herald.
E mocion di desconfiansa a wordo pasa dor di e recien mayoria forma dor
di e partidonan UP / DP/ Brownbill di mayoria di ocho contra Ministernan
William Marlin, Silveira Jacobs, Christophe Emmanuel, Richard Gibson,
Melissa Arrindel Doncher, Rafael Boasman. E corant ta sigui informa cu
Partido Democrat a apunta Emily Lee y e no tabata inclui den e mocion
di desconfiansa.
Lee a pone su posicion disponibel pa habri caminda pa formacion di un
Gobierno nobo.
E seis miembronan di parlamento di e partidonan minoritario (awo) den
Parlamento a vota contra e mocion di desconfiansa, pero no tabata presente
durante e votacion di e otro dos mocionnan. Un miembro di Parlamento,
Ardwell Irion, tabata ausente.
E siguiente paso mas probable ta cu Conseho di Minister lo disolve Parla-
mento y yama eleccion adelanta.
E otro dos mocionnan a pasa cu 8 voto y zero en contra tabata pa adapta
e Ley di Camber di Integridad pa di e forma aki e por cumpli cu e protocol
firma di esaki y acepta control di frontera door di Polis military Hulandes,
cual ta condicionnan poni door di Gobierno di Reino pa pone e fondo di
recuperacion disponibel pa e isla.