Page 81 - min.vos

Esnan cu ta traha cu cuminda mester ta consciente di
hygiene

Publication: Tuesday, 26 May 2015. Categoria: General
Dokter Wilmer Salazar di DESPA

ORANJESTAD (AAN)Prome cu control conhunto entre Cuerpo Policial di Aruba y
funcionarionan di DESPA a plania, Departamento di Salubridad Publico a wordo invade pa
trahadonan cu no tabata cumpli cu e exigencia legal di tin nan carchi berde na man.
E carchi berde aki ta un certificacion di salud cu ta wordo exigi for di tur persona cu ta traha cu
cuminda.
Siman pasa a haci un advertencia pa tur esnan conserni pa tin nan papelnan na ordo. Sinembargo
prome cu e acion a cuminsa a bin constata cu no solamente varios area unda ta prepara cuminda
no ta cumpli cu e reglanan di hygiene, pero tambe tin trahado cu no tabatin nan carchi berde, e
certificacion cu nan ta den bon estado di salud.
E advertencia cu diferente establecimento comercial a ricibi, a pone cu un grupo grandi di
trahado a core yega e departamentonan concerni, Laboratorio entre otro, pa pasa nan examennan
medico mas lihe posibel.
Den combersacion cu Wilmer Salazar, miembro di Management Team di DESPA, el a splica cu
e ariba menciona tabata un situacion innecesario cu a pone presion riba e servicio cu DESPA y
Laboratorio ta brinda.
Segun Dokter Salazar, e situacion ariba menciona a proba cu tin un grupo grandi di personanan
trahando den industria di cuminda no tabatin nan papelnan na ordo. “Nan mester corda cu nan ta
traha cu tanto local como turistanan y mester sigura cu e trahadonan aki ta den bon estado di
salud, y sigura cu nan condicion no por causa un problema na esunnan cu ta haci uzo di nan
servicio den e industria di cuminda.”
E miembro di Management Team di DESPA (Departamento di Salubridad Publico di Aruba) a
recorda cu aña pasa den luna di november, a tuma un accion pa conscientisa e sector aki riba e