Page 84 - min.vos

Salubridad Publico haciendo extra esfuerzo pa yuda tur
hende cu carchi di salud a caduca

Publication: Tuesday, 26 May 2015. Categoria: General

Ivette Geerman:

ORANJESTAD (AAN): E situacion na departamento di higiena pafo ta birando un caos
completo. Polis tambe mester a bin atrobe dialuna mainta na e departamento pasobra desde cu a
anuncia control riba carchi di salud mesora e problemanan a cuminsa.

Cantidad di hende cu ta yega ta demasiado y ta 60 hende pa dia nan ta yuda. Ta responsabilidad
di e doño y esun cu tin carchi di salud mester wak e dia cu esaki ta vence. No ora anuncia control
ta perde cabez mientras cu tin lunanan cu e carchi a caduca. Ta haci maximo esfuerzo pa yuda
tur hende segun Ivette Geerman hefe di e departamento di higiena. Ta pidiendo tur hende
comprension. Si ta otro luna e carchi di salud ta caduca mester drecha esaki pasobra e tin un
proceso.

Ivette Geerman a splica cu kizas ainda tin otro situacionnan unda e carchi no ta keda cla pasobra
tur cos mester ta bon hinca den otro pa e cana su proceso di control. E material tin biaha no ta
suficiente tampoco pa nan por complete e control total. Ta tanto material por wordo ofreci di
Laboratorium pa nan brinda na esnan cu bin pa nan carchi di salud. Mester tin comprension. Nan
no kier perhudica ningun hende y ta traha segun ley. E carchi di salud mester tey.

Tin combersacion cu management team y e solucion ta trahando riba dje. Como Salubridad
Publico lo busca un solucion segun Ivette Geerman. A keda di cuminsa cu e control mesora
dialuna. Lo cuminsa mainta cu tres grupo pa tres e diferente zonanan. Ora bai haci e accion of
trabou rutinario e fecha di e carchi mester klop. Si e carchi a vence bo mester stop mesora y bo ta
haya un multa.

Hopi biaha ta keda topa cu carchi caduca aunke e concientizacion ta biniendo. Nan tey pa
controla como departamento. Ainda tin hende aki aya cu ta faya. E doño di trabou prome cu tur
mester ta responsable. Si e doño no ta haci nada mester bati na porta di dje y mustre riba e
consecuencia cu tin pa e negoshi. E tin di haber cu e seguridad di e comunidad tambe segun
Ivette Geerman. Ora controla e ta wordo haci completo den e negoshi.

Ta controla e carchi pero e higiena di e negoshi completo ta wordo haci. E localidad cu no ta
cumpli cu regla di higiena ta wordo sera segun Ivette Geerman. Ta controla e higiena y con nan
ta anda, warda y procesa e cuminda.

http://www.diario.aw/2015/05/salubridad-publico-haciendo-extra-esfuerzo-pa-yuda-tur-hende-
cu-carchi-di-salud-a-caduca/