Page 82 - min.vos

importancia di e certificado cu nan mester tin na ordo. Tanto doño, manager como e trahadonan
mester ta consciente cu pa por maneha un negoshi den forma saludabel, ta cu nan mester tin e
carchi na ordo.

E control a bini door di instancianan di Gobierno cu tin di haber cu Inspeccion. Hasta tabatin un
conferencia di prensa unda cu hefe di Departamento di Hygiene, Polis, y DOW a splica kico ta
encera e control cu nan ta bay tene. Trahadonan e momento ey caba a core bin busca nan
certificado y negoshinan tambe a revisa nan documento. Apesar di esey a bin topa cu casonan cu
no ta segun ley.

E hecho cu hopi hende a bin busca nan carchi a demostra cu tin hopi ta trahando den un situacion
cu por crea problema pa salud di otro hende, y efecto negativo den e economia. Pesey el a pone
hopi enfasis cu ora cu kier maneha un negoshi den forma legal, mester cumpli cu e normanan cu
ta wordo poni.

Tabatin un accion planea pa tuma luga e siman aki, pero e instancia a reuni y a dicidi pa permiti
e hendenan drecha nan situacion, prome cu sigui cu e accion di control riba e forma di traha
principalmente den sector di industria di cuminda.

Berdad, dokter Salazar a bisa, e cantidad di personanan cu a acudi pa drecha nan situacion a
causa cierto presion riba algun departamento. Tur departamento tin un proceso cu nan ta
custumbra di traha cune y e cantidad di hende cu ta atende nunca a surpasa loke semper nan sa
atende. Pero door di e cantidad di personanan cu no a cumpli debidamente pa busca nan carchi
berde a tempo, a causa un presion awor cu tur a core bini na mesun momento.

Pa finalisa, el a bisa cu esunnan cu ta traha den sector di cuminda mester ta consciente ora cu ta
prepara cuminda, e hygiene mester ta bon y sigura asina cu e persona cu ta come e cuminda no ta
haya ningun malesa.

http://www.diario.aw/2015/05/esnan-cu-ta-traha-cu-cuminda-mester-ta-consciente-di-hygiene/