Page 27 - flip min jus

situacion, Minister Dowers a bisa cu no ta deseabel pa laga un persona cu a ricibi un sentencia
bay cas. El a añadi cu den un caso asina lo mester considera e opcion pa e preso sinta su castigo
na cas, cual ta algo cu ta den discusion na Hulanda, pero no a pasa Eerste Kamer. Ademas ta
existi e situacion cu pa ley por laga un preso bay cas mas tempran si e ta demostra di no ta un
risico pa su mes y comunidad despues cu e sinta un parti di su sentencia. Esaki ta un solucion cu
ya sa worde uza ora tin limitacion di espacio, por ehempel, Minister Dowers a splica. Señora
Hassell ta haciendo esfuersonan grandi pa cu cual e minister a comenta cu e ta satisfecho cu loke
e ta wak. Na mes momento, Minister Dowers a haci un apelacion riba e team completo di KIA pa
bin cu nan ideanan, pa nan participa tambe na e desaroyonan positivo activamente, haciendo nan
esfuersonan pa mehoracion di e circumstancianan pa tanto nan mes como e detenidonan.

http://www.diario.aw/2015/03/no-ta-deseabel-pa-manda-un-hende-cu-a-ricibi-un-sentencia-cas/