Page 28 - flip min jus

Pa bay reconstrui Prison di KIA lo costa Aruba 40 miyon
Florin

Publication: Monday, 16 March 2015. Categoria: General
Minister Dowers:
no tin plannan pa muda prison

ORANJESTAD(AAN): Minister di Husticia y Maneho di Adiccion, Arthur Dowers durante di su
bishita na KIA diaranson den un entrevista a splica cu e conceptonan ta cla y ta den fase di
prepara e plannan pa e trabao grandi di reconstruccion/expansion cu mester tuma luga den e
proximo añanan na KIA.
No tin plannan pa muda e prison. El a splica cu el a papia tocante e proyecto aki na Hulanda y e
ta sinti cu na Hulanda tin oido si pa yuda, pero e no ta kere ni tin speranza cu Hulanda mes lo
financia e proyecto.
Kisas nan lo yuda Aruba haya un prestamo faborabel, el a agrega. E mandatario ta mirando luz
cu por haya cierto fondo pa e prome fase, pero ainda ta keda 40 miyon cu mester worde financia
pa Pais Aruba.
Dowers a bisa cu e prome fase ta consisti den hala e muraya di prizon, e di dos ta pa bashi parti
di e edificio abao y e di tres ta encera e construccion di e facilidadnan nobo. Ta premira cu e
trabaonan di preparacion lo por tuma luga e aña aki ainda y e construccion mes lo por cuminsa
otro aña. No tin plannan pa muda e prizon, solamente pa su reconstruccion. El a splica cu tin un
parti cu ya caba no ta den uzo, cual ta e parti cu e detenidonan a kima algun tempo pasa y awo
tin e departamento di damanan cu a worde muda pa un parti di e Centro di Motivacion pa
rehabilitacion di adictonan. Na e centro a renoba un parti y cer’e, asina separando e for di e
Centro di Motivacion.
http://www.diario.aw/2015/03/pa-bay-reconstrui-prison-di-kia-lo-costa-aruba-40-miyon-florin/