Page 29 - flip min jus

Presonan awor tin voz y tin un comision cu ta representa
nan

Publication: Monday, 16 March 2015. Categoria: General
Prison di KIA:

ORANJESTAD(AAN): Cu e entrada di un director nobo shete siman pasa, KIA ya ta
experenciando diferente cambio grandi. Entre nan, awo e detenidonan tin un voz y ta participa
mas activamente den e sistema di KIA.
Director Trudy Hassell ta siguiendo un maneho cu tres punto di atencion principal, basa riba e
raport di CPT, esta personal, infrastructura y detenidonan. Den cuadro di e proceso di
mehoracion di oportunidadnan pa resocialisacion y reintegracion di e detenidonan den nos
sociedad, el a laga e menos di 200 presonan mes eligi nan comision pa representa nan, cu ta reuni
regularmente cu directie di KIA.
Den apenas algun siman ya cinco encuentro a tuma luga y e detenidonan a trece hopi idea
sumamente constructivo y bon dilanti.
“Mi ta hopi satisfecho cu e comision aki di preso, pasobra na un forma di nivel halto y
respetuosamente nan ta combersa cu directie di KIA,” Trudy Hassell a expresa. “Y, mi ta kere
esaki ta e caminda pa bay pa nos por yega na otro y trata di cumpli cu cierto cosnan cu nos
mester cumpli cune,” el a añadi.
Entre e topiconan cu ta worde discuti na mesa ta e parti di cursonan, actividadnan y trabao pa e
presonan; esaki ta yuda pa nan, aunke nan ta cera, tambe por sinti nan mes util den nos sociedad,
Hassell a conclui bisando.
http://www.diario.aw/2015/03/presonan-awor-tin-voz-y-tin-un-comision-cu-ta-representa-nan/