Page 25 - AM240904

Diaranson, 4 September 2024 AWEMainta COMUNIDAD 25

Pa di 10 aña consecutivo 131 a organisa ‘131 Den bo Bario’

DURANTE ‘131 Den bo Bario’ e personal di 131 ta hiba infor-
macion tocante e servicionan di 131 pa e mayornan. E moti-
bonan pakico e mucha/ hoben por tuma contacto, orario,
dianan cu por tuma contacto y cu e servicio ta anonimo y

gratis, ta informacion cu durante ‘131 Den bo Bario’ ta ser
duna na e mayornan. 131 ta un aliado di e mayornan den
educacion di nan yiunan.

Banda di duna informacion tocante e servicionan di 131,
e personal di 131 ta tene un combersacion cu e mayornan
tocante diferente desaroyo bao di nos mucha y hobennan y
e reto cu mayornan ta encontrando pa cu educacion di nan

yiunan.

N’e adresnan cu encontra mayornan ta hiba un combersacion
tocante e servicionan di 131. Tambe ta laga un pamfleta cu

informacion tocante e servicio di 131 na tur adres.

E aña aki e personal di 131 a bishita 10 bario den dife-
rente districto. E barionan cu a bishita ta: Semelerstraat y

vencindario, Bushiri, Madiki, Madiki Kavel, Seroe Patrishi,
Tarabana, Cura Cabai Zuid, Village y De Vuyst. Durante 131
Den bo Bario a logra di bishita 1206 adres.

E personal di 131 ta ser ricibi calurosamente den e barionan.
E mayornan cu cual a logra hiba un combersacion a expresa
nan sosten na e servicionan di 131 y aprecio pa e sosten di
131 na nan. Fundacion Telefon pa Hubentud Aruba ta suma-

mente contento di e manera cu nos a ser ricibi den e barionan.

E servicio na nos mucha y hobennan por ser duna danki
na sosten di Setar N.V, Aruba Airport Authority N.V. y The

Salamander Group.

Pa mas informacion tocante di 131 Den bo Bario por tuma
contacto cu 131 via nos website: 131.aw, facebook: https://

www.facebook.com/aruba.131/, e-mail: 131aruba@gmail.
com of telefon 5886138/ 5884011.