Page 26 - AM240904

26 COMUNIDAD AWEMainta Diaranson, 4 September 2024

Manera un cherry rib’e bolo

Comunidad Rock a responde n’e magno evento di Viscera Trail diasabra

TABATA manera un treat cu e organisa pa e
creadornan di Rock ‘n Rock, Sketch Advertising, p’e
comunidad rockero y Heavy Metal di Aruba, ora cu
a anuncia cu e banda Viscera Trail, directamente fo’i

Israel, lo bin presenta na Aruba y finalmente diasabra
cu a pasa, den un Medusa (ex-Cellar) completamente
yen, a sa di presenta nan hitnan den e genero di Death
Metal.

Sin lubida e famoso mosh pit, e publico a yega Medusa
caminda cu Dark Shores y After Dark a haci un tremendo
presentacion prome cu e acto principal di Viscera Trail.

E comunidad Rock di Aruba no ta uno grandi pero si
activo den su musica, Varios banda aki na Aruba sin
mucho promocion den prensa, sa haci nan presenta-
cionnan den diferente club nocturno y ta yama aten-

cion di tanto local como turista, amante di rock.
Awo nos ta pendiente p’e Rocktober Fest y hopi mas
actividad p’e comunidad rock di Aruba. Keda pendi-
ente pasobra AWEMainta lo ta on top of it, informando

e comunidad di Aruba cu e Rock Scene ta mas bibo cu
nunca.

Ken ta Viscera Trail

Viscera Trail a wordo forma na Kfar Saba, Israel na
juli di 2022 pa Tomer Hasenfratz. E meta ta pa forma
e “sickest band” cu a yega di sali for di e Pais Santo y
trece e mensahe brutal di Death Metal n’e publico local.

E banda a conoce diferente line up y a saca un demo
na 2002 (Roadkill), un debut album na 2005 (Piled up
Dead) y un di dos album na 2009 (Humiliation-Ridden
Evisceeration), un EP na 2013 (Treats of Torture) y un

full lenght (The Sound of Musick), cu a sali na 2020.

E banda a milita den diferente tour y fest rond Europa,
Merca, Australia, New Zealand y Asia cu e “East

Infection” Tour na mei/juni 2016 consistiendo di 12
pais, haciendo nan e prome touring band pa toca na
Mongolia y “The Horrific Pacific” tour na februari/
maart 2018, haciendo nan e prome banda musical

pa toca na Tahiti situa den French Polynesia y New
Caledonia.

Viscera Trail ta conoci pa su shownan hyper energetic

y super entretenido cu nunca ta cansa pa sorprende e
publico.

Y diasabra a presenta na nos isla chikito cu un magno

presentacion cu a laga henter e “Arubian Rock Scene”
den shock cu nan presentacion.