Page 58 - MIN VOS

A16 hende
Diahuebs 14 september 2017

Brazil Taekwondo Stichting a celebra su

dia di famia na Baby Beach

ORANJESTAD – Recientemente Brazil Taekwondo Stichting a cumpli 23 aña di
existencia, y esaki ta wordo celebra tur aña na Baby Beach cu un tradicional dia di
famia, segun e relato cu nos a ricibi for di nan.

Un otro aña di e fundacion cu vision y metanan su dilanti cu rumbo pa 2020 hunto cu e team
di Train Hard Fight Smart Brazil Taekwondo Stichting tin un team dinamico cu ta traha
semper na bienestar di e atletanan pa asina nan por bay pa dilanti y representa Aruba interna-
cionalmente.

Aaron Jacobs a hiba palabra y a haci un bunita oracion. Ta gradici nos pueblo di Aruba cu
semper ta sostene e team di Train Hard Fight Smart, asina Brazil Taekwondo Stichting a bin
ta produci durante di tur e 23 añanan di existencia. “Nos a wak varios cara a bin y varios cara
cu a bay, pero Brazil Taekwondo Stichting t’ey keto bay. Danki na tur esunnan cu a yega Baby
Beach pa celebra e dia aki hunto pa asina mustra nan aprecio y gratitud pa Brazil Taekwondo
Stichting.”