Page 5 - AHATA

2 LOCAL
Caminda tin control, tin limpiesa
NOS ta keha hopi na Aruba tocante
nos beachnan. Nos ta keha cu nan
ta birando mas sushi. Nos ta keha cu
hotelnan ta tumando over loke mester
ta espacio publico.
Nos ta keha tocante acceso, parha,
stoel, y exclusividad. Y den hopi caso,
e kehonan ey ta hustifica.
Pero tin un berdad incomodo cu rara-
mente nos kier confronta: Nos no por
keda culpa otronan si nos no ta tuma
responsabilidad nos mes.
Cana canto di hopi beach publico habri
riba un diadomingo atardi of e mainta
despues di un dia di fiesta. Lo bo haya
cup di plastic, baki di cuminda, boter,
cigaria, y cooler bandona. No tur
caminda. No tur hende. De hecho, e
mayoria di hende ta disfruta di e beach
responsabelmente y ta limpia nan
sushedad. Pero ta tuma djis un grupo
chikito di individuo cu ta kere nan tin
tur derecho pa deshaci e esfuerso di
hopi.
Y e grupo chikito ey ta costando nos
credibilidad.
Ata e ironia cu nos no gusta admiti.
Hopi di e beachnan mas limpi riba e
isla awe t’esnan conecta na hotelnan
grandi. Dicon? No pasobra turistanan
ta magicamente mas respetuoso. Sino
pasobra tin structura, siguridad, y
dunamento di cuenta inmediato. Un
hende ta vigilando. Un hende ta inter-
veni. Sushi no ta keda sinta pa oranan
of dianan. Si un persona of grupo laga
un desorden, e ta wordo atendi inme-
diatamente.
Riba beachnan publico habri, e atmos-
fera ta diferente. Tur hende ta disfruta
di e libertad, e apertura, e gevoel di
AWEMainta
E ironia di nos beachnan:
“esaki ta di nos.” Y asina e mester ta.
Pero libertad sin responsabilidad ta
bira negligencia. Ora no tin ningun
hende pa interveni, ningun presion
social, y ningun consecuencia, un par
di hende ta sinti cu nan tin derecho
pa laga nan sushi atras comosifuera e
beach lo limpia su mes.
Esey ta unda nos ta perde nos auto-
ridad moral.
Nos no por para contra privatisacion
di playa, expansion di hotel, y acceso
restringi mientras simultaneamente
nos ta tolera comportacion cu ta daña
e mesun beachnan ey. Ora nos bisa
“esaki ta nos beach” pero trat’e manera
un espacio desechabel, nos ta debilita
nos mesun argumento.
Esaki no ta tocante duna berguensa na
e comunidad completo. Mayoria hende
ta haci lo corecto. Famianan ta limpia.
Gruponan ta organisa ‘beach clean
ups’. Muchanan ta wordo siña pa piki
nan sushedad. Pero e problema ta cu
nos ta keda keto tocante e minoria cu
no ta haci esey. Nos ta bira cara wak
Diahuebs, 5 Februari 2026
otro banda. Nos ta hisa schouder. Nos
ta bisa, “Esey no ta mi sushi.” Y poco-
poco, e beach ta paga e prijs.
Si nos kier proteha beachnan publico,
nos mester proteha e standard di
comportacion riba nan.
Esey ta nifica mas cu limpiesa di gobi-
erno. E ta nifica responsabilidad social.
Yama atencion riba dje. Fiha expecta-
tivanan. Sostene medidanan simpel
manera baki di sushi, borchi cla,
patruya di comunidad, y si, ehecucion
di ley ora ta necesario. Respet no ta
crece den un bashi.
E berdad ta simpel y incomodo: Si nos
kier beachnan sin cura, nos mester
actua manera doño, no usuario tempo-
rario.
Hotelnan no ta ganando pasobra nan
tin rason. Nan ta ganando pasobra
nan ta maneha loke nan ta controla. Si
nos kier pa playanan habri keda habri,
limpi, y respeta, e ora ey e responsabi-
lidad ta cuminsa cu nos — no cu keho,
sino cu accion.